Felicia Burzotta hafði það á tilfinningunni að kærasti hennar væri að halda framhjá. Hún fékk grun sinn staðfestan með klókri aðferð sem netverjar kalla „djöfullega snilld.“
Felicia greindi frá þessu í myndbandi á TikTok.
Kærasti Feliciu sagðist vera að fara út að borða með vinum sínum en hana grunaði að hann væri að segja ósatt.
„Ég hringdi á veitingastaðinn og þóttist vera að skipuleggja óvænta afmælisveislu fyrir hann og spurði veitingastýruna hvort hann væri mættur og hvort hann væri með vinum sínum eða systur sinni. Hún sagði systur sinni,“ segir Felicia.
Myndbandið hefur vakið mikla athygli og hefur Felicia birt fleiri myndbönd þar sem hún útskýrir málið nánar.
@feliciaburzottaReply to @carvalhoemilyc and since then I’ve been single😂
Felicia segir að hana hafði grunað að hann væri að halda framhjá í smá tíma og var með ákveðna konu í huga sem „var alltaf í kringum hann.“ Konan sem um ræðir er ljóshærð og þegar Felicia var að tala við veitingastýruna sagði hún að kærastinn ætti tvær systur og spurði hvort hann væri með ljóshærðu systur sinni eða dökkhærðu.
„Hafið það í huga, ég var að leita að ljóshærðri tík,“ segir Felicia. Veitingastýran sagði að hann væri með ljóshærðri konu.
Daginn eftir fór Felicia heim til kærasta síns. Ofan á allt saman fann hún gerviaugnhár í rúminu hans. Hann reyndi að telja henni trú um að þetta væru hennar augnhár, sem þau voru ekki. Felicia hætti með kærastanum og hefur sjaldan liðið jafn vel.
