Sjónvarpsmaðurinn Gísli Marteinn Baldursson og fjölskylda syrgja hundinn Tinna sem dó í gærmorgunn eftir þriggja vikna veikindi.
Gísli greinir frá þessu á Instagram og deilir mörgum fallegum myndum af Tinna í gegnum árin.
„Elsku Tinni er dáinn. Hann kvaddi í gærmorgun eftir þriggja vikna veikindi. Hann var fallegasti og besti hundur sem ég hef kynnst og við söknum hans svo ótrúlega mikið […] Og nú er hann farinn þessi besti vinur okkar og það er mjög sárt en við erum þakklát fyrir allt það góða sem hann gaf okkur. Bless góði Tinni og takk fyrir allt.“
Tinni var Golden Retriver og var nefndur í höfuðið á teiknimyndapersónunni og rannsóknarblaðamanninum Tinna. Hann var vinsæll á Twitter með 667 fylgjendur.