Bjarni Benediktsson, efnahags- og fjármálaráðherra, deilir myndbandi af sér lyfta á Twitter. Bjarni Ben tekur hvorki meira né minna en 120 kíló í bekkpressu.
„Til að bregðast við efasemdaröddum neyðist ég til að birta sönnunargagn,“ segir hann og spyr Gísla Marteinn og Júlían J. K. Jóhannsson kraftlyftingarmann hvort þetta standist skoðun.
Bjarni Ben sagði frá því í Brennslunni fyrr í vikunni að hann tæki 120 kíló í bekk, en margir efuðust um að hann væri að segja sannleikann.
Til að bregðast við efasemdaröddum neyðist ég til að birta sönnunargögn. Stenst þetta skoðun @JkjJulian og @gislimarteinn? pic.twitter.com/Ym3tIg14Yl
— Bjarni Benediktsson (@Bjarni_Ben) February 3, 2021