Klámstjarnan Adriana Chechik hefur verið í bransanum síðan 2013. Hún er um þessar mundir að skipuleggja stórt kynsvall með aðdáendum og ætlar ekki að bíða með það þrátt fyrir ráðleggingar lækna.
Adriana leikur bæði í klámmyndum og er með síðu á OnlyFans. Í hlaðvarpsþættinum The Plug Podcast ræðir hún við klámstjörnurnar Adam22 og Lena The Plug um tollinn sem starfið hefur tekið á líkama hennar.
„Hálsinn minn er í fokki núna. Ég er með klemmda taug hryggjarliðir eru búnir að færast til,“ segir hún auk sem hún deilir með þáttastjórnendum að hún sé með áverka á heila eftir hamaganginn.
Læknir Adriönu hefur lýst yfir áhyggjum sínum af heilsu klámstjörnunnar, sérstaklega eftir að hún deildi með honum framtíðarverkefni sínu með kynsvallið.
„Hann var alveg: „Geturðu beðið í eitt ár með þetta? Þú verður að leyfa líkamanum að jafna sig almennilega.“ Og ég var alveg: „Nei, ég verð að gera þetta.“ Og hann sagði: „Viltu vinsamlegast hugsa vel um þig!““
Þrátt fyrir læknisráðleggingar ætlar Adriana að halda ótrauð áfram og ber saman lífsstílinn við atvinnuíþrótt. „Þetta er bara eins og kynþokkafull bardagaíþrótt,“ segir hún.
Hún fer til dæmis oft í ísböð eftir langan tökudag eins og íþróttafólk gerir eftir æfingar og keppnir til að ná skjótri endurheimt.
Adriana segist vera spennt fyrir verkefninu. Hana langar að gera eitthvað öðruvísi og planið er að taka upp klámmynd í einni töku, þar sem það er ekkert klippt og hoppað er á milli atriða með mismunandi leikurum.