Ingibjörg Eyfjörð er áhrifavaldur og tveggja barna móðir búsett í Mývatnssveit ásamt eiginmanni og börnum. Hún sinnir þremur vinnum og er ein þeirra að selja erótískt myndefni á OnlyFans.
Ingibjörg er nýjasti gestur Eddu Falak í hlaðvarpsþættinum Eigin Konur. Í þættinum opnar hún sig um persónulega reynslu af geðsjúkdómum, kynferðisofbeldi og kynlífsvinnu. Þær ræða einnig um femínisma og OnlyFans og af hverju þær eiga erfitt með að vera í femínískum Facebook-hópum vegna viðhorfs meðlima til kynlífsvinnu.
View this post on Instagram
Ingibjörg byrjaði á OnlyFans í sumar. Hún ætlaði sér að byrja fyrr en umræðan um OnlyFans í samfélaginu var orðin svo mikil að hún ákvað að bíða aðeins með það.
„Tveimur vikum eftir að ég stofnaði aðganginn minn þá sprakk þetta allt saman, gjörsamlega. Og ég bara nei ókei nú bíð ég bara aðeins, set þetta á ís. Það voru einhvern veginn allir að hoppa á OnlyFans vagninn. [Og ég ákvað að bíða aðeins með þetta]. Ég byrjaði ekki fyrr en 1. júní á þessu ári,“ segir hún.
„Það er búið að vera ógeðslega gaman. Ég hef ekki einn slæman hlut [að segja]. Búin að kynnast sjúklega skemmtilegu fólki í gegnum þetta […] Sjálfstraustið mitt er [himinhátt], mér finnst ég vera ógeðslega fokking hot. Mér fannst það ekki í gær en það er oftar en ekki núna.“
Ingibjörg segist einnig vera búin að læra mikið um sögu kynlífsverkafólks. „Ég fór að fylgjast alls konar kynlífsverkafólki úti. Búin að læra ógeðslega mikið um söguna, sem mér finnst vera mjög mikilvægur partur ef þú ætlar að taka þátt í þessu. Vita hvaðan þetta kemur og af hverju hlutirnir eru eins og þeir eru,“ segir hún.
View this post on Instagram
Ingibjörg segir að hún hefði eytt Facebook-appinu úr símanum sínum vegna umræðu undanfarinna mánaða um vændi og OnlyFans í femínískum Facebook-hópum.
„Ég á ofboðslega erfitt með þetta og tók meðvitaða ákvörðun að vera ekki með Facebook-appið í símanum mínum lengur út af því ég var og er, ég er enn í þessum hópum þó ég sé ekki með appið, í mjög mörgum femínískum hópum,“ segir Ingibjörg.
Edda segir þá: „Ég fór úr þeim öllum sko.“
„Síðustu mánuði hefur vændi komið mjög oft upp í umræðunni í öllum þessum femínista-hópum, ásamt OnlyFans, og ég deili ekki skoðunum með þessum frábæru konum annars. Og ég veit að hvað sem að ég er að fara að segja þá er ég ekki að fara að breyta þeirra skoðun og þær eru ekki að fara að breyta minni skoðun. Þá sé ég rosalega lítinn tilgang í því að vera í hóp sem er stöðugt að minna mig á að þeim finnst það sem ég er að gera ógeðslegt og bara rangt og skaðlegt, þannig ég bara beilaði.“
Þú getur horft á þáttinn í heild sinni á Patreon-síðu Eigin Kvenna.