fbpx
Miðvikudagur 01.desember 2021
Fókus

Ragga nagli með mikilvæg skilaboð – „Drulluhalinn er jafnvel í hádeginu á miðvikudegi að undirbúa viðbjóðsverknað sinn“

Fókus
Mánudaginn 22. nóvember 2021 18:30

Ekki missa af Helstu tíðindum dagsins í pósthólfið þitt

Lesa nánar

„Ekki drekka áfengi
Ekki neyta vímuefna
Ekki taka kvíðalyf
Vertu allavega búin að borða fyrir kráarröltið
Ekki labba ein heim
Ekki fara í eftirpartý
Vertu með lykla milli puttanna úti á götu
Kveiktu á GPS og Track my Iphone appinu
Ekki vera í stuttu pilsi
Ekki sýna brjóstaskoru
Ekki daðra við ókunnuga
Passaðu alltaf drykkinn þinn
Best er samt að djamma ekki
Heima að horfa á vídjó“

Sálfræðingurinn og þjálfarinn Ragnhildur Þórðardóttir, betur þekkt sem Ragga nagli, bendir á að samkvæmt Internetinu séu ofangreind atriði dæmi um meint „gagnleg ráð til að koma í veg fyrir byrlun og nauðgun“. Þegar kona greini opinberlega frá áreitni þá líði oft ekki á löngu áður en einhver hefur reynt að kenna konunni sjálfri um brotið því hún hafi ekki farið að þessum ráðum. Hún skrifar um þetta í pistli sem hún birti á Facebook-vegg sínum.

„Ef kona lendir í áreitni eru heykvíslarnar fljótar á loft og fórnarlambsskömmin dælist á lyklaborðið.

„Hún hefði nú ekki átt að vera ein á ferð!!“
„Var hún ekki ofurölvi??“
„Hvernig dettur henni í hug að fara heim með ókunnugum?“.“

Jafn gagnleg og regnhlíf í íslensku skítaveðri

Ragga bendir á að engin „gagnleg ráð“ geti tryggt það að ekki verði brotið á konu.

„Kona getur sinnt öllum varúðarráðstöfunum en ef 90 kílóa kjötaður karlmaður kemur askvaðandi með kreppta hnefa og árásarglampa í auga þá eru lyklarnir að Mözdunni og sjálfsvarnartækni frá námskeiði í Ármúlanum jafn gagnleg og regnhlíf í íslensku skítaveðri.“

Raunin sé sú að þeir sem byrli konum ólyfjan til að brjóta á þeim séu ekki að taka neina skyndiákvörðun heldur þurfi að undirbúa sig vel.

„Sá sem byrlar og nauðgar þarf að undirbúa sinn glæp löngu áður en hann er framkvæmdur.

Glæponinn þarf að verða sér úti um smjörsýru eða Rohypnol, dressa sig upp fyrir tjúttið, spotta út fórnarlambið, bjóða uppá drykk, lauma dufti í glas, bíða eftir áhrifunum og drösla svo viðkomandi lymskulega útaf skemmtistað og uppí næsta leigara.

Að gerendur séu edrú á djamminu myndi þess vegna ekki draga úr tíðni slíkra brota þar sem drulluhalinn er jafnvel í hádeginu á miðvikudegi að undirbúa viðbjóðsverknað sinn.“

Ekki stundargredda í ölæði

Nýlega skrifaði lögmaðurinn og fyrrum dómarinn Jón Steinar Gunnlaugsson pistil þar sem hann hélt því fram að áfengis- og vímuefnanotkun væri ástæða flestra kynferðisbrota og að besta vörnin við slíkum brotum væri ef þolendur gættu sín sjálfir. Pistill þessi vakti hörð viðbrögð og var Jón Steinar sakaður um gerendameðvirkni og kvenfyrirlitningu svo dæmi séu tekin.

Ragga bendir á að nauðgun sé ekki framkvæmd í stundarbrjálæði undir áhrifum áfengis. Nauðgun sé ásetningsbrot og eigi sér líka stað þegar fólk er edrú.

„Einbeittur brotavilji fram í fingurgóma.
Nauðgun er ekki stundargredda í ölæði.
Nauðgun er valdbeiting og ofbeldi.
Nauðgun gerist líka hjá fólki sem er edrú.
Börnum er nauðgað.
Föngum er nauðgað.
Konum er nauðgað í miðri viku.
Körlum er nauðgað í vinnunni.“

Fræðsla og upplýst samþykki

Telur Ragga að fremur en að kenna konum hvernig þær eigi að komast hjá því að brotið verði á þeim ætti að fræða börn um kynferðisbrot, afleiðingarþeirra og um mikilvægi þess að fá upplýst samþykki í kynlífi.

„Í staðinn fyrir að brýna fyrir konum hvernig þær eigi að hegða sér, eigum við ekki frekar að fræða stráka (og stelpur) um nauðgun, afleiðingar ofbeldis og fá upplýst samþykki í kynlífi.
Meðvitund um eigin hegðun, samhyggð og skilningur frá karlmönnum er líklegra til að stuðla að breytingum og betri veröld fyrir konur en heil blaðsíða af leitarniðurstöðum Google um hvernig eigi að vera örugg á djamminu.
Þegar land verður fyrir hryðjuverkaárás er íbúum annarra landa ekki sagt að breyta hegðun sinni til að verða ekki líka fyrir árás.
En konum er sagt að breyta hegðun sinni til að verða ekki fyrir byrlun og nauðgun.
Fórnarlambsvæðing í hnotskurn.
Ofbeldi er ekki á ábyrgð þolandans. Það er alltaf gerandans.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Í gær

Hugleikur birti skopmynd með ádeilu á meinta viðkvæmni sem misbauð Facebook – Sjáðu myndina sem Facebook bannaði!

Hugleikur birti skopmynd með ádeilu á meinta viðkvæmni sem misbauð Facebook – Sjáðu myndina sem Facebook bannaði!
Fókus
Í gær

Nýir heimildarþættir BBC kynda undir kenningum um einelti Meghan Markle í garð starfsfólks

Nýir heimildarþættir BBC kynda undir kenningum um einelti Meghan Markle í garð starfsfólks
Fókus
Fyrir 2 dögum

Leyndardómurinn um „vasann“ í nærbuxum kvenna leystur

Leyndardómurinn um „vasann“ í nærbuxum kvenna leystur
Fókus
Fyrir 2 dögum

Óvenjulítið baðkar í Hlíðunum vekur athygli – „Þetta er bara aukavaskur“

Óvenjulítið baðkar í Hlíðunum vekur athygli – „Þetta er bara aukavaskur“