„Ég hata sjálfan mig fyrir að hafa svalað mér kynferðislega á heimilistækjum Ég veit þetta hljómar furðulega en ég bara þurfti að vita hvernig tilfinningin væri.“
Svona hefst bréf 26 ára karlmanns til Dear Deidre, kynlífs- og sambandsráðgjafa The Sun.
„Ég var búinn að sjá þessa klikkuðu gaura á netinu svala sér kynferðislega með alls konar heimilistækjum eins og rafmagnstannbursta og þvottavél. Vinum mínum fannst þessi myndbönd fyndin en ég varð forvitinn. Þannig ég ákvað að prófa nokkur heimilistæki.“
En síðan maðurinn leyfði forvitninni að ráða för hefur hann verið með gífurlegt samviskubit.
„Ég er með svo mikla sektarkennd og finnst ég ógeðslegur. Fólk gerir ekki svona. Hvað myndu vinir mínir segja ef þeir vissu? Kvíðin og sektarkenndin eru mér um megn. Ég er kominn á þunglyndislyf og er að drekka meira áfengi. Það er eina leiðin sem ég losna við þessa rödd í höfðinu á mér sem segir að það sé eitthvað að mér.“
Deidre svarar og hughreystir manninn.
„Frekar en að spá í fortíðinni þá er best að samþykkja það sem gerðist og halda áfram. Vertu góður við sjálfan þig. Þú særðir engan né gerðir eitthvað ólöglegt. Þetta er líka einkamál og enginn annar þarf að vita af þessu,“ segir hún.