fbpx
Miðvikudagur 25.maí 2022
Fókus

Saga B blæs á rætnar kjaftasögur – „Það þýðir ekki að sonur minn sé horfinn úr lifi mínu“

Guðrún Ósk Guðjónsdóttir
Fimmtudaginn 18. nóvember 2021 14:30

Saga B. Aðsend mynd.

Ekki missa af Helstu tíðindum dagsins í pósthólfið þitt

Lesa nánar

Tónlistarkonan og áhrifavaldurinn Berglind Saga Bjarnadóttir, betur þekkt sem Saga B, blæs á rætnar kjaftasögur varðandi son sinn og hlutverk hennar sem móður.

Saga B á níu ára son úr fyrra sambandi. Hún deilir forræði með barnsföður sínum og er sonur hennar hjá henni aðra hvora viku. Áður en hún steig fram í sviðsljósið sem tónlistarkona deildi hún reglulega myndum af syni sínum en eftir að fylgjendahópur hennar stækkaði og hún varð opinber persóna ákvað hún að virða friðhelgi hans og deila mun minna efni af honum. Í kjölfarið fóru af stað kjaftasögur um hvar sonur hennar væri, að hún væri hætt að hugsa um hann því hann væri ekki á samfélagsmiðlunum hennar og svo framvegis.

Söngkonan ákvað að svara þessum orðrómi fyrir fullt og allt.

Þýðir ekki að sonurinn sé horfinn úr lífi hennar

„Fyrir ári síðan breytti ég miðlinum mínum þar sem ég ákvað að koma út sem listakona í tónlist. Draumur sem ég hef haft frá því að ég man eftir mér,“ segir hún.

„Ég hugsaði dæmið út frá öllum sjónarhornum og eftir að fylgjendahópurinn stækkaði voru fleiri hlutir til að hugsa um, meðal annars hversu persónulegu efni ég ætti að deila. Ég var mjög dugleg að birta efni af syni mínum og daglegu lífi. Ég ákvað að deila minna af persónulegi efni sem tengist mínu nánustu, því ég er að reyna að skapa ímynd af mér sem listakonu. Það þýðir ekki að sonur minn sé horfinn úr lífi mínu eða að hann búi ekki hjá mér lengur,“ segir hún.

„Bergþór á pabba sem er jafn mikilvægur í hans lífi og mínu og hann skiptir tíma sínum jafnt á milli okkar.“

Saga B er dugleg að ferðast til útlanda og var á dögunum í London. „Þegar ég fæ spurningar um hvar barnið mitt sé þegar ég ferðast, af hverju ég sé hætt að setja inn myndbönd af honum eins og ég gerði áður, þá hugsa ég hvaða máli það skiptir einhverjum sem tengist okkur ekkert.“

Það sem er enn verra er að hún byrjaði að heyra ljótar kjaftasögur um sig í kjölfarið. „Að það sé búið til alls konar slúður í kringum eitthvað sem er engin grundvöllur fyrir er sérstakt. Litli demanturinn minn á skilið friðhelgi og þess vegna kýs ég að sýna ekki öll hans lífspor á miðli sem er tileinkaður mér,“ segir hún.

„Ég á frábæran son sem er að mótast sem einstaklingur. Hann er mikilvægasti parturinn af mínum vexti sem kona. Ég átti hann ung en ég er enn einstaklingur og lifi mínu lífi samkvæmt mínum vilja og það mega allir gera sitt að mínu mati, og það hefur enginn rétt á að dæma annarra manna ákvarðanir og lífsleið.“

Saga B hvetur fólk til að hætta að dæma aðra og pæla svona mikið í því hvað aðrir gera. Hún segir að henni hefði þótt mikilvægt að koma hlutunum á hreint svo að fólk sé ekki að búa til sögur án þess að þekkja til málsins.

Þú getur fylgst með Sögu B á Instagram og hlustað á tónlistina hennar á Spotify.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Í gær

Bráðfyndin og „vandræðaleg“ fatamistök Ryan Seacrest í lokaþætti American Idol

Bráðfyndin og „vandræðaleg“ fatamistök Ryan Seacrest í lokaþætti American Idol
Fókus
Í gær

Rýfur þögnina um myndirnar af Liam Payne og annarri konu

Rýfur þögnina um myndirnar af Liam Payne og annarri konu
Fókus
Fyrir 2 dögum

Sturluðustu ástæðurnar fyrir aftökum í galdraofsóknunum – Hurðaskellur og heyrnarleysi

Sturluðustu ástæðurnar fyrir aftökum í galdraofsóknunum – Hurðaskellur og heyrnarleysi
Fókus
Fyrir 3 dögum

Lík í heimahúsi og eiturlyfið Vermaak – María Siggadóttir gefur út fyrstu spennusöguna sína

Lík í heimahúsi og eiturlyfið Vermaak – María Siggadóttir gefur út fyrstu spennusöguna sína
Fókus
Fyrir 5 dögum

Samtök kynlífsverkafólks ósátt við nýjasta þátt Eigin Kvenna – „Svona ógeð grefur undan réttindum okkar“

Samtök kynlífsverkafólks ósátt við nýjasta þátt Eigin Kvenna – „Svona ógeð grefur undan réttindum okkar“
Fókus
Fyrir 5 dögum

Dorrit í hópi stórstjarna sem mættu á frumsýningu ásamt bresku konungsfjölskyldunni

Dorrit í hópi stórstjarna sem mættu á frumsýningu ásamt bresku konungsfjölskyldunni