Dr. Justin J. Lehmiller ræðir um kynlífsfantasíur, trekanta og hvernig kynlíf getur styrkt sambönd í hlaðvarpsþættinum TSC: Him & Her.
Dr. Justin J. Lehmiller er bandarískur félagssálfræðingur og rithöfundur. Hann starfar sem rannsakandi við Kinsey stofnunina við háskólann í Indiana. Hann hefur meðal annars skrifað bækurnar Tell Me What You Want: The Science of Sexual Desire and How It Can Help You Improve Your Sex Life og The Psychology of Human Sexuality.
Hann er gestur hjónanna og hlaðvarpsstjórnandanna Lauryn Evarts Bosstick og Michael Bosstick. Hann fer um víðan völl í viðtalinu en ein klippa úr því hefur vakið mikla athygli. Lauryn spyr Justin út í sérkennilegustu fantasíuna sem hann hefur heyrt um.
@dearmediaWell that’s a new one 😳 ##fantasies ##relationships ##podcastnation ##tscpodcast ##dearmedia♬ Monkeys Spinning Monkeys – Kevin MacLeod
„Ég er viss um að þú hefur heyrt þetta allt,“ segir hún og hann svarar játandi.
„Hvaða fantasía er alveg: „Ókei mér hefði aldrei dottið þetta í hug?““
Dr. Justin segir þá frá fantasíu sem kona deildi með honum. „Stærsta fantasían hennar er að vera bundin á miðju bæjartorgi, vera neydd til að innbyrða hormóna svo hún myndi mjólka stöðugt og síðan geti fólk komið og stundað kynlíf með henni og mjólkað hana hvenær sem það vill,“ segir hann við Lauryn sem starir gapandi á hann.
„Og það kom í ljós að hún er ekki sú eina með þessa fantasíu. Ég komst að því að það eru tugir erótískra skáldsagna á Amazon um „mennskar kýr“. Það eru mörg hundruð myndbönd af „mennskum kúm“ á klámsíðum. Þetta er eitthvað sem er til. Þetta er eitt af því sem ég elska við vinnuna mína, ég er alltaf að læra um eitthvað nýtt sem kveikir í fólki.“
Það er hægt að hlusta á þáttinn í heild sinni á öllum helstu hlaðvarpsstreymisveitum.
