fbpx
Sunnudagur 05.desember 2021
Fókus

Frumsýna óperu sem fjallar um ævi og störf Vigdísar Finnbogadóttur

Fókus
Föstudaginn 22. október 2021 14:00

Garðar Cortes, Alexandra Chernyshova og frú Vigdís Finnbogadóttir

Ekki missa af Helstu tíðindum dagsins í pósthólfið þitt

Lesa nánar

Óperan „Góðan daginn, frú forseti“ verður frumsýnd næstkomandi laugardag í Grafarvogskirkju. Óperan er tileinkuð frú Vigdísi Finnbogadóttur fyrsta kvenforseta í heiminum og fjallar um ævi hennar og störf. Alexandra Chernyshova sópransöngkona og tónskáld hefur staðið í stöngu undanfarnar vikur að undirbúa sýninguna en að henni koma rúmlega 60 manns, stór hljómsveit, 12 einsöngvarar og tveir kórar. Alexandra sem er handhafi Súlunnar, menningarverðlauna Reykjanesbæjar er núna að sjá fyrir endann á sjö ára ferli með frumsýningunni. Þetta er þriðja óperan sem Alexandra semur en fyrri óperur hafa báðar unnið til alþjóðlegra verðlauna. Frá því að Alexandra fluttist til Íslands árið 2003 og fræddist þá um frú Vigdísi þá hefur hún verið aðdáandi hennar, dáðst af verkum hennar og fyrir hverju hún hefur staðið.

Garðar Cortes sem var einn af stofnendum íslensku óperunnar á sínum tíma er hljómsveitarstjóri sýningarinnar, „Tónlistin í óperunni er góð og Alexandra gefur okkur ferskan blæ með tónlistarsköpun sinni. Einnig gaman að sjá sögu frú Vigdísar í tónlistarformi sem þessu, við sjáum nýja hlið á forsetanum okkar í óperunni“.
„Það hefur verið gaman að fylgjast með æfingingum og ferlinu, að sjá óperu fæðast og límast saman. Alexandra er einstaklega lunkinn melódíusmiður þannig að ég er mjög ánægður og hrifinn“ sagði Gissur Páll sem syngur hlutverk Magnúsar Magnússonar sjónvarpsmanns og vinar Vigdísar
„þetta er óskaplega fallega tónlist og það er gaman að tónskáld skuli skrifa í þessum stíl og lög sem allir geta tileinkað sér og allir geta lært eftir að hafa heyrt sumar af þessum aríum einu sinni eða tvisvar“ sagði Guðný Guðmundsdóttir konsertmeistari óperunnar.

Frumsýning verður í Grafarvogskirkju laugardaginn 23. okt en um konsertuppfærslu er að ræða. Miðasala fer fram á tix.is og við innganginn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 2 dögum

Þetta gerði Svanhildur til að velja réttu gjöfina fyrir Loga – „Þetta var svo ógeðslega asnalegt“

Þetta gerði Svanhildur til að velja réttu gjöfina fyrir Loga – „Þetta var svo ógeðslega asnalegt“
Fókus
Fyrir 2 dögum

Sjáðu plakatið fyrir Leynilögguna í Japan

Sjáðu plakatið fyrir Leynilögguna í Japan
Fókus
Fyrir 4 dögum

Edda sló met með þessari mynd en fékk leiðinleg skilaboð – „Af hverju ertu búin að fitna?“

Edda sló met með þessari mynd en fékk leiðinleg skilaboð – „Af hverju ertu búin að fitna?“
Fókus
Fyrir 4 dögum

Fjölskyldu- og húsdýragarðurinn í jólabúning: Gestir hvattir til að mynda stemninguna

Fjölskyldu- og húsdýragarðurinn í jólabúning: Gestir hvattir til að mynda stemninguna