Shaft Uddin er tantragúrú og er staddur hér á landi. Hann er gestur Gunnars og Davíðs Wiium í hlaðvarpsþættinum Þvottahúsinu og opnar sig um kynni sín af tantra og hvernig það fléttast inn í líf hans í dag. Þáttinn má nálgast á hlaðvarpsvef MBL.
Shaft er á Íslandi til að halda námskeið um tantra. Hann heldur reglulega námskeið og fyrirlestra um tantra, auk þess stundar hann það að krafti. Hann stundar kynlíf um þrisvar á dag og það er ekki endilega alltaf sama konan. Hann leggur mikla áherslu á kynheilbrigði og verjur.
Aðspurður hvernig hann fari að því að finna þrjár manneskjur á dag til að sofa með á Íslandi segir Shaft:
„Ég er ekki kominn þangað ennþá. Það væri indælt þó er það ekki.“
Heimsótti náttúrulaug
Shaft lýsir heimsókn sinni í eina af náttúrulaugum Íslands. Hann fór ásamt íslenskum tantravinum sínum og fékk standpínu um leið vegna þess að tengingin við móður jörð var svo sterk.
Í kjölfarið átti hann samfarir með konu í allavega 20 til 30 mínútur, en ólíkt því sem mætti teljast hefðbundnum samförum þá var engin hreyfing. Hann segir að kynmökin hefðu verið án sáðláts og hreyfingar, orkan frá móður jörð flæddi í gegnum hann og skilaði hann orkunni til konunnar.
Hann lýsir því þegar hann fann fyrir orkunni frá móður jörð. Fyrst hafi honum hætt að vera kalt. „Síðan varð ég harður. Vinkona mín tók eftir því,“ segir hann.
„Tíminn hvarf. Ég var að nota orkuna frá jörðinni […] Ég var harður allan tímann og var inni í henni en við hreyfðum okkur ekki. Ég held ekki að margir karlmenn gætu haldið sér hörðum svona lengi án hreyfingarinnar, spennunnar og athyglinnar.“
Hann lýsir þessu nánar á sirka mínútu 16:20.
