fbpx
Miðvikudagur 20.janúar 2021
Fókus

Gerður selur kynlífstæki fyrir meira en milljón á hverjum degi – „Þarna kom þetta augnablik“

Máni Snær Þorláksson
Mánudaginn 11. janúar 2021 12:18

Skjáskot úr þættinum.

Ekki missa af Helstu tíðindum dagsins í pósthólfið þitt

Lesa nánar

Gerður Arinbjarnardóttir, eigandi kynlífstækjaverslunarinnar Blush.is, er nýjasti gesturinn í hlaðvarpi Sölva Tryggvasonar. Í hlaðvarpinu spjalla Gerður og Sölvi meðal annars um menntakerfið en hún hefur afar sterkar skoðanir á því.

„Ég held ég hafi verið hrædd við það sem allir eru hræddir við, sem er að gera mistök og bregðast fólkinu í kringum mig. Ég fór í gegnum skólakerfið með þá tilfinningu að ég væri aldrei nógu góð. Ég átti erfitt með nám og kerfið er þannig að þér eru gefnar einkunnir og þú ert metin út frá því og ég var alltaf að valda sjálfri mér vonbrigðum,“ segir Gerður í hlaðvarpinu.

Gerður segist hafa alltaf verið í C bekknum sem var, að hennar sögn, fyrir tossana. „Það að skipta krökkum upp með þessum hætti eftir árangri í námi er eiginlega ofbeldi. Þetta eru viðkvæmustu árin. Geturðu ímyndað þér hvað það gerir fyrir sjálfstraust unglings sem er í mótun að honum sé sagt að hann sé ekki nógu góður og eigi að vera í C bekk? Niðurlægingin sem fylgir því að segja vinkonum sínum sem allar eru á leið í A bekk að maður verði ekki með þeim í bekk árið eftir af því að maður sé svo lélegur námsmaður.“

„Ég velti núna meira en milljón á dag“

Í hlaðvarpinu talar Gerður líka um reksturinn á kynlífstækjaversluninni. Hún segist vera stolt af afrekum sínum og man vel daginn sem hún fann að alvara var komin í reksturinn. „Ég hef svo oft hugsað til baka og ég man daginn sem ég seldi fyrir fyrstu milljónina mína. Ég man hvað mér fannst það magnað að selja fyrir meira en eina milljón á einum degi og ég hugsaði með mér að ég væri búin að ná toppnum,“ segir hún.

„Þetta var fyrir nokkrum árum síðan og ég var í geðshræringarkasti yfir þessu öllu saman. En þarna var ég líka bara ein með krúttlegan lítinn rekstur, þannig að þó að ég velti núna meira en milljón á dag alla daga ársins er það líka vegna þess að ég þarf það. Núna er ég með 15-16 starfsmenn plús verktaka, auglýsingastofur, bókara og annað. Þannig að í dag er þessi upphæð í sölu beinlínis vegna þess að ég þarf þess til að halda þessarri starfsemi gangandi á góðan hátt.”

„Það gerðist svo hratt að ég eiginlega trúði því ekki”

Þegar Gerður var tiltölulega nýbyrjuð með Blush var hún rekin úr hinni vinnunni sinni. „Sá sem rak mig sagði mér að ég yrði að velja og þetta væri bara of mikið að ég væri í hvoru tveggja á sama tíma. Ég var líka einstæð móðir og sé núna að þetta var bara hárrétt og ég verð alltaf ævinlega þakklát þessum einstaklingi sem rak mig,“ segir hún.

„Þarna kom þetta augnablik þar sem það var annað hvort að hrökkva eða stökkva. Þarna var þetta ekki orðið nógu stórt til að ég gæti lifað á þessu, en ég hafði svo mikla trú á hugmyndinni, þó að ég hafi ekki haft jafn mikla trú á sjálfri mér. Það var stanslaus rödd í hausnum á mér sem sagði við mig að ég væri ekki með menntun í þetta, að ég væri of ung, hver ég þættist eiginlega vera að ætla að fara að byrja með fyrirtæki. En ég hafði það mikla trú á hugmyndinni að það hjálpaði mér að halda þessu áfram. Svo þegar ég fór að vinna í að trúa meira á mig líka og gera markvissa hluti til að laga það, þá fór allt að blómstra og það gerðist svo hratt að ég eiginlega trúði því ekki.”

Hér fyrir neðan má horfa á hlaðvarpið í heild sinni:

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fastir pennarFókus
Fyrir 2 dögum

The Bachelor, Love Island og kynlífsröskun

The Bachelor, Love Island og kynlífsröskun
Fókus
Fyrir 2 dögum

Svona eiga ráðherrahjónin saman

Svona eiga ráðherrahjónin saman
Fókus
Fyrir 3 dögum

Frægir tvífarar – næstum eins og tvíburar

Frægir tvífarar – næstum eins og tvíburar
Fókus
Fyrir 3 dögum

Svefnlausir foreldrar sameinast -„Ég held ég skilji núna hug­takið uppvakningur“

Svefnlausir foreldrar sameinast -„Ég held ég skilji núna hug­takið uppvakningur“
Fókus
Fyrir 4 dögum

Ráð til að standa við áramótaheitið – Setjum okkur skýrari og skemmtilegri skref

Ráð til að standa við áramótaheitið – Setjum okkur skýrari og skemmtilegri skref
Fókus
Fyrir 4 dögum

Íslenskar stjörnur á vinsælli fótasíðu – Baráttan um efsta sætið hnífjöfn

Íslenskar stjörnur á vinsælli fótasíðu – Baráttan um efsta sætið hnífjöfn
Fókus
Fyrir 5 dögum

„Ég neita að fela andlit mitt“

„Ég neita að fela andlit mitt“
Fókus
Fyrir 5 dögum

Ekki er allt sem sýnist – Kjóll með „ógnvekjandi“ tálsýn

Ekki er allt sem sýnist – Kjóll með „ógnvekjandi“ tálsýn