Tónlistarparið Matthías Tryggvi Haraldsson og Brynhildur Karlsdóttir eru trúlofuð.
Matthías fór á skeljaranar í Sky Lagoon og greinir frá gleðifregnunum á Instagram.
„Lífið er rússíbani og ástin er ævintýri. Hún Brynhildur sér til þess. Hún gerir mig óskiljanlega hamingjusaman og í tilefni þess setti ég hring á puttann hennar í dag. Ég er einn fáránlega heppinn gaur,“ skrifaði hann með mynd af parinu.
View this post on Instagram
Brynhildur deildi einnig myndbandi af trúlofuninni sjálfri á Instagram og sagði að þetta væri auðvelda svar sem hún hefur gefið.
View this post on Instagram
Matthías Tryggva ættu flestir landsmenn að þekkja sem söngvara Hatara, hljómsveitarinnar sem fór fyrir hönd Íslands í Eurovision árið 2019 með lagið „Hatrið mun sigra“. Hatari hreppti tíunda sæti fyrir Ísland, sem var besti árangur Íslands í áratug. Hljómsveitin vakti einnig heimsathygli, bæði fyrir atriði sitt og einnig fyrir að vekja athygli á andstöðu sinni við hernám Ísraela í Palestínu.
Matthías útskrifaðist frá sviðshöfundabraut Listaháskóla Íslands vorið 2018 og skrifaði leikritið Griðastað, sem hlaut þrjár tilnefningar til Grímunnar 2019.
Það er óhætt að segja að parið deili sömu ástríðum. Brynhildur er söngkona hljómsveitanna Hormóna og Kvikindi, hún hefur einnig gert það gott sem leikkona. Hún hefur starfað sem aðstoðarmaður leikstjóra í Þjóðleikhúsinu.
Fókus óskar parinu innilega til hamingju!