fbpx
Miðvikudagur 21.apríl 2021
Fókus

Sandalasokkarnir hans Brynjars Níelssonar úthrópaðir

Heimir Hannesson
Fimmtudaginn 8. apríl 2021 19:00

mynd/Facebook Gústaf Níelsson

Ekki missa af Helstu tíðindum dagsins í pósthólfið þitt

Lesa nánar

Um hvíta sokka og sandala hafa margar greinar verið skrifaðar í gegnum árin og virðast tískuséní landsins, og heimsins alls, sammælast um að algilt og algjört bann skuli gilda við slíku.

Í greiningu tímaritsins Glamour frá því í febrúar var því þó haldið fram að sokkar og sandalar gæti verið á innleið. Hvort greining Glamours hafi svo stimplað sig inn í almannavitund, er ekki vitað.

Það ætti því ekki að koma á óvart að uppreisnarmaðurinn og mótþróaseggurinn, eins og hann hefur sjálfur lýst sér, Brynjar Níelsson taki sig til og flaggi þeim í heimsókn sinni til bróður síns Gústafs Níelssonar á Spáni um þessar mundir. Neðangreinda mynd birti Gústaf af bræðrum sínum á Facebook í lok mars.

Vísir greindi frá ferð Brynjars í morgun og vakti vera hans erlendis á Covid tímum talsverða hneykslan meðal sumra. Enn aðrir sáu meiri glæp í klæðavali Brynjars en í ferðalaginu. „Hérna á Ítalíu eru menn sem eru í hvítum sokkum í töflum eða sandölum taldir tilheyra einhverjum fornaldar afbrigðum og fólk krossar sig ef það mætir einum slíkum,“ skrifar einn undir frétt Vísis.

mynd/Facebook Gústaf Níelsson

Þórólfur Guðnason ítrekaði orð sín í gær þar sem hann varaði sérstaklega við ónauðsynlegum ferðalögum til áhættusvæða, sem eru öll lönd í heimi nema Grænland. Vísir hafði eftir Brynjari að það væri ekki alltaf ljóst hvað væri nauðsynjalaust og hvað ekki. „Við getum sagt að það var ekki lífsnauðsynlegt eða mjög nauðsynlegt að ég færi í þessa ferð. En það var mikilvægt fyrir bræður mína að ég færi í þessa ferð á meðan ekki væri meiri hætta en þetta. Og ég fer í sóttkví þegar ég kem, þá sé ég ekkert að þessu,“ sagði hann jafnframt við Vísi.

Ekki náðist í Brynjar Níelsson við vinnslu fréttarinnar, en hann er, samkvæmt frétt Vísis, á heimleið í dag. Eina vélin frá Spáni á áætlun Keflavíkurflugvallar er flug Icelandair frá Alicante sem lendir klukkan 18:44 og má ætla að við taki þá fimm daga sóttkví Brynjars. Hvort henni verði varið í sokkum eða án, er ekki vitað.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 2 dögum

OnlyFans umræðan ennþá í fullum gangi: Manuela Ósk fær að heyra það fyrir druslusmánun – Katrín Edda biðst afsökunar

OnlyFans umræðan ennþá í fullum gangi: Manuela Ósk fær að heyra það fyrir druslusmánun – Katrín Edda biðst afsökunar
Fókus
Fyrir 3 dögum

Frændinn komst að framhjáhaldinu og hjásvæfan er ólétt – „Borgin okkar er lítil“

Frændinn komst að framhjáhaldinu og hjásvæfan er ólétt – „Borgin okkar er lítil“
Fókus
Fyrir 4 dögum

Þetta óttast karlar og konur mest í kynlífi

Þetta óttast karlar og konur mest í kynlífi
Fókus
Fyrir 4 dögum

„Kynlífið er hræðilegt því kærasti minn er klámfíkill“

„Kynlífið er hræðilegt því kærasti minn er klámfíkill“