Aryn, kölluð Vampryn, er harðkjarna „gothari“. Hún fær innblástur frá goth-stílnum á sjöunda og áttunda áratug síðustu aldar og hefur klætt sig svona frá því að hún man eftir sér.

„Það er bara leiðinlegt að vera venjuleg. Af hverju að lifa lífinu til að vera leiðinleg?“ Segir Aryn sem kemur fram í nýjasta þætti vefmiðilsins Truly á YouTube. Í þættinum er henni breytt í Instagram fyrirsætu og er óhætt að segja að breytingin sé ótrúleg.

Sjá einnig: Eiginmaðurinn hefur aldrei séð hana „venjulega“ – Sjáðu viðbrögðin

Förðunarfræðingur kemur heim til hennar en áður en hún hefst handa viðurkennir Aryn að hún sé stressuð. „Ég hef aldrei séð mig svona. Þetta er svo langt út fyrir þægindarammann,“ segir hún.

Förðunarfræðingurinn tekur allan farða af Aryn, setur á hana gervibrúnku, gerviaugnhár, hárkollu og farðar hana eins og Instagram fyrirsætu.

Þegar kemur að því að skoða sig í speglinum fær Aryn smá áfall og segir að henni líkar þetta alls ekki. Hún viðurkennir að hún sé hrifin af kjólnum, en ekki litnum. Hún er ekki heldur hrifin af hárkollunni eða að vera með augabrúnir.

Kærasti hennar Connor hefur alltaf bara þekkt Aryn sem „gothara.“ Systir Aryn og Connor fá svo að sjá hina breyttu Aryn og trúa varla því sem þau sjá. Systir hennar segir að Aryn hefur verið „gothari“ frá tólf ára aldri. „Það er eins og Barbie borðaði Aryn,“ segir hún.

Horfðu á myndbandið hér að neðan.