Azealia Banks er 29 ára rappari og sló fyrst í gegn með laginu „212“. Hún er með tæplega 700 þúsund fylgjendur á Instagram.
Azelia segist vera norn og hafi verið að stunda galdra þegar hún, ásamt annarri manneskju, gróf upp leifar kattar síns, Lucifer, sem dó fyrir nokkrum mánuðum. Hún leyfði fylgjendum sínum á Instagram að fylgjast með og sýndi einnig frá því þegar hún eldaði köttinn.
„Mörg ykkar vita það ekki en Lucifer dó fyrir þremur mánuðum og við þurftum að grafa hann, en við erum að grafa hann upp núna í fyrsta sinn,“ segir Azelia í einu myndbandinu. Í næsta myndbandi má sjá hana hræra í potti og hún skrifaði með: „Hún er tilbúin.“
Azealia hefur eytt öllum myndböndunum. Í gærmorgun byrjaði söngkonan að „trenda“ á Twitter og var hún á vörum þúsunda netverja, sem margir hverju gerðu grín að málinu.
Me rushing over to Twitter after i head Azealia Banks dug up and cooked her cat pic.twitter.com/WmBbvCncGU
— Itxlysgoat😈 (@italywyd) January 13, 2021
When you’re at the family function and you find out Azealia Banks is the one preparing the food
pic.twitter.com/rgIpisg35A— stevanović (@supportsteven) January 13, 2021
Söngkonan Sia gagnrýndi Azealiu harðlega og byrjuðu þær að rífast á Twitter. „Ég hef aldrei heyrt neitt jafn ruglað og að fórna dýrum sér til hagnaðar. Náðu langt með því að vera frábær, vingjarnleg og að vinna fyrir því,“ sagði Sia.
Svar Azealiu má sjá hér að neðan, það er augljóst að hún tók gagnrýni Siu ekki vel.
Azealia er stolt af því að vera norn og hefur lengi haldið því fram. Margir hafa komið henni til varnar. „Þið sem þykist vera nornir til að vera töff, og kaupið kattahauskúpur á Etsy, eruð svo eitthvað á móti því þegar einhver stundar í alvöru galdra?“
Myndböndin eru ekki fyrir viðkvæma og geta þeir sem viljað horft á þau hér.
Þetta er ekki í fyrsta sinn að Azealia er gagnrýnd fyrir meðferð sína á dýrum. Í desember 2016 deildi hún furðulegu myndbandi á Instagram þar sem hún var að þrífa skáp heima hjá sér, sem var allur blóðugur eftir að hafa verið notaður til að fórna kjúklingum í þrjú ár. „Alvöru nornir gera alvöru hluti,“ segir hún.