„Þeir eru bara búin að gera nokkurs konar frík úr Jesú,“ sagði Margrét Friðriksdóttir frumkvöðlafræðingur í viðtali í Harmageddon á X-inu 977 í gær. Auglýsingin sem um ræðir er á vegum Þjóðkirkjunnar og var gerð til þess að auglýsa sunnudagaskóla kirkjunnar fyrir börn. „Börnin eru viðkvæmur hópur,“ sagði Margrét í gær og fullyrti að Þjóðkirkjan ætli að ganga lengra með myndina og nota hana í auglýsingaherferð.
„Þau ætla að festa þessa mynd á strætó,“ sagði Margrét en nú er búið að gera einmitt það. Guðmundur Heiðar Helgason, upplýsingafulltrúi Strætó, benti DV á að strætisvagninn væri kominn á götur borgarinnar. Guðmundur segir að Þjóðkirkjan hafi keypt þessa auglýsingu og að strætisvagninn hafi farið í akstur í gær.
Hér fyrir neðan má sjá myndir af strætisvagninum: