Brúður hefur verið harðlega gagnrýnd fyrir að binda eins mánaða gamalt barn sitt við brúðkjólinn áður en hún gekk niður altarið.
Mynd frá brúðkaupinu var birt á Reddit og hefur vægast sagt ollið usla. Fjöldi fjölmiðla hafa fjallað um málið og hefur brúðurin gefið út tilkynningu vegna málsins.
Á myndinni má sjá barnið liggja á slóða brúðarkjólsins og beinist öll athygli gestanna að barninu.
Eins og fyrr segir vakti myndin reiði meðal netverja. „Ekki segja mér að þetta sé lifandi barn, og ef svo er, af hverju í fjandanum er enginn að bjarga því?“ Sagði einn netverji.
Fjöldi fólks tók undir með honum. „Ég er enginn sérfræðingur en ég er nokkuð viss um að svona ung börn eiga ekki að vera á gólfinu,“ sagði annar.
Myndin var tekin árið 2014 en eftir að hún var birt á Reddit hefur hún farið eins og eldur í sinu um netheima. Brúðurin hefur svarað fyrir sig og segir að „Jesú Kristur samþykkti ákvörðun“ hennar svo það skiptir ekki hvað öðrum finnst.
„Á meðan Jesú er mér við hlið geri ég það sem ég vil gera, allt var í lagi og mun halda áfram að vera í lagi,“ segir hún og bætir við að eins mánaða gamalt barn hennar hafi verið „vakandi og öruggt á slóðanum.“ Hún segir að það sem skipti mestu máli var að „hjarta okkar var hjá Jesú Kristi“ og þess vegna hafi allt verið í góðu.
Hér má lesa tilkynningu hennar í heild sinni.