Athafnakonan og áhrifavaldurinn Tanja Ýr Ástþórsdóttir deildi tveimur speglasjálfsmyndum á Instagram á dögunum. Tanja Ýr var að spá í hvorum buxunum hún ætti að klæðast á stefnumót.

Það er þó ekki allt með felldu á myndinni ef vel er athugað. Glöggur fylgjandi Tönju Ýrar tók eftir því og benti Tönju Ýr á það, sem vakti síðan athygli á því í Instagram Story um helgina.

Sérð þú hvað er athugunarvert við myndina?

https://www.instagram.com/p/CDW1o4EhhJp/

Ef þú horfir vel á vinstri hönd Tönju Ýrar þá sérðu að hönd hennar kemur út um vitlaust gat á skyrtunni.

Þetta vakti talsverða kátínu hjá Tönju Ýr sem sjálf sagðist hafa hlegið að mistökunum.

Tanja Ýr nýtur mikilla vinsælda á samfélagsmiðlum og er með tæplega 36 þúsund fylgjendur á Instagram. Hún hefur um nokkurra ára skeið haldið úti netversluninni tanjayrcosmetics.is þar sem hún hannar og selur gerviaugnhár. Nýlega fór hún að bjóða upp á námskeið í samfélagsmiðlum.