Siglfirsk listakona, Margrét M. Steingrímsdóttir, sem ber listamannsnafnið Magga Steingríms, hefur búið til kórónuveiru úr leir og fær Kára Stefánssyni, forstjóra Íslenskrar erfðagreiningar, að gjöf.
Frá þessu greinir á vefnum Trölli.is.
Að sögn Trölla var Kári ánægður með gjöfina.
Vinnan við „veiruna“ var mikil og notaði Magga meðal annars sigti til að búa til angana á endunum. „Í upphafi útbjó Margrét 48 anga á kúluna en fækkaði þeim síðan niður í 28 til að listaverkið fengi frekar að njóta sín,“ segir í fréttinni.