„Ég er búin að heyra eitthvað nýtt slúður um mig stanslaust á hverjum degi í tvo mánuði. Fólk er að segja að hinn og þessi sé pabbi dóttur minnar, Ariel,“ segir áhrifavaldurinn Kristín Avon Gunnarsdóttir í samtali við DV.
Hún segir að það sé kominn tími til að blása á sögusagnirnar og að rétt skuli vera rétt.
Kristín Avon fer yfir fleiri sögusagnir sem hún hefur heyrt um sjálfa sig.
„Ég hef heyrt að ég á að hafa flúið til Akureyrar því ég höndlaði ekki allt þetta slúður, sem er bullshit. Og svo átti ég allt í einu að hafa verið með Binna Löve og hann allt í einu pabbinn sem meikar engan veginn sens, þar sem ég á kærasta í dag,“ segir Kristín Avon.
„Ég vil bara koma þessu á framfæri og slaufa fyrir þetta slúður. Ég get ekki einu sinni farið í búðina út af þessu slúðri.“
Kristín Avon er nýkomin aftur á samfélagsmiðla, en undanfarna tvo mánuði hefur hún tekið sér pásu frá Instagram. Allar sögusagnirnar hafa haft mikil áhrif á Kristínu og orsakað depurð og kvíða. Hún biður fólk um að hætta að búa til sögur um sig og skipta sér af hennar einkalífi.
Fréttin hefur verið uppfærð. Kristín Avon nafngreindi þá aðila sem hún segir að séu annars vegar faðir dóttur hennar og hins vegar kærasti hennar. Eftir að hluteigendur höfðu samband hefur DV fjarlægt nöfn beggja aðila.
