Kona ein sem alin var upp við mikinn alkóhólisma missti son sinn frá sér þegar hann var 5 ára. Hún missti einnig móðir sína auk þess að vera misnotuð kynferðislega.
Konan segir sögu sína í hlaðvarpsþáttaröðinni Leiðin til bata en haldið er utan um þættina á Facebook-síðu þeirra.
Líf konunnar tók miklum stakkaskiptum þegar hún var dæmd til fangelsisvistar og fékk 20 mánaðar dóm fyrir innflutning á fíkniefnum en hún sat inni í 10 mánuði. Hún hefur nú verið edrú í 7 ár og á afskaplega fallegt og heilbrigt líf auk þess sem fjölmargar ungar konur hafa notið aðstoðar hennar við að snúa baki við alkóhólisma.
„Ég að drekka þegar ég var 13 ára og fann þá strax fyrir miklu hömlu og stjórnleysi, ég ólst upp í afar erfiðum aðstæðum og miklum alkóhólisma þar sem ég sá yfirleitt bara fólk verða ofurölvi þegar það drakk. Fyrir mér varð þetta bara eðlilegt og þarna var bara ferlið mitt byrjað og mér fannst ástandið á mér aldrei vera neitt skelfilegt eða að ég fengi einhverja eftirsjá,“ segir konan í þættinum.
„Ég verð ófrísk 15 ára gömul og þá reykti ég ekki einu sinni sígarettur á meðgöngunni og drakk ekkert. En ég gerði mér aldrei grein fyrir lífinu sem ég gekk með, ég man þó þegar ég strauk á mér magan og sagði við sjálfa mig að ég ætlaði aldrei að verða eins móðir og mamma mín,“ segir konan enn fremur.
En fíknin átti eftir að taka völdin og hún reyndist ekki góð móðir:
„Sonur minn er svo tekin af mér þegar hann er 5 ára og ég fékk hann aldrei aftur. Ég man alltaf eftir kvöldinu þegar hann var tekinn af mér, þá spyr ég mig hvað ég sé eiginlega að gera og af hverju þetta sé allt svona, mér leið alveg ógeðslega illa og ég fann að ég vildi ekki hafa þetta svona, en svo bara stend ég upp og fæ mér meira dóp.“
Hlustaðu á þáttinn hér.