Athafnakonan Lína Birgitta Sigurðardóttir á afmæli í dag. Kærasti hennar, stjörnukírópraktorinn Guðmundur Birkir Pálmason, hefur heldur betur sannað sig síðasta sólarhringinn og kom henni rækilega á óvart með svakalegum afmælisglaðning.
Lína Birgitta og Guðmundur, betur þekktur sem Gummi Kíró, eru tiltölulega nýbyrjuð saman. Í byrjun febrúar birtust fyrstu fréttirnar um samband þeirra og staðfestu þau það síðan sjálf á Valentínusardaginn.
Þrátt fyrir að ástin sé nýfarin að blómstra hefur Gummi greinilega lagt mikið á sig að gefa Línu Birgittu glæsilega afmælisgjöf. Þau hafa bæði verið dugleg að leyfa fylgjendum sínum á Instagram að fylgjast með.
„[Gummi] bauð [mér] út að borða í gærkvöldi og sagði að fyrra bragði: „Núna er afmælisvikan þín formlega byrjuð.“ Síðan sagði hann að ég myndi fá vísbendingu á morgun, sem ég fékk áðan. Ég var að fá vísbendinguna en ég fatta hana ekki. Hjálp,“ skrifaði Lína Birgitta í Story á Instagram í fyrradag.
Hún birtir síðan mynd af málverki og glerflösku af Klaka. „Þetta er vísbendingin,“ sagði hún.
Í gær kom svo loksins að fyrsta óvænta glaðningnum sem var tattú. Lína Birgitta lét tattúvera „always“ í fallegri skrautskrift á fingur sinn.
Í dag kom svo að næsta óvænta glaðning sem var hringferð um Ísland. Fyrsta stopp er morgunmatur á Hótel Rangá
„Ég sagði fyrir stuttu síðan að ég hafi aldrei farið hringinn og langaði að gera það soon! Útlönd geta beðið,“ segir hún í Story.
