Áhrifavaldurinn Jóhanna Helga Jensdóttir, sem er með tæplega þrettán þúsund fylgjendur á Instagram, og hennar heittelskaði, Geir Ulrich Skaftason, eignuðust sitt fyrsta barn, stúlku, þann 17. mars síðastliðinn.
Jóhanna deilir góðu fréttunum á Instagram.
„Gullfallega og fullkomna stelpan okkar, fædd 17. mars. Ég á engin orð, erum öll að springa úr hamingju og hlökkum til að kynnast þessari draumadís betur,“ skrifar Jóhanna.
Jóhanna hefur aflað sér fylgjenda jafnt og þétt síðustu mánuði og ár en hún er einnig besta vinkona eins vinsælasta áhrifavalds Íslands, Sunnevu Einarsdóttur.
Fókus óskar Jóhönnu og Geir til hamingju með frumburðinn.
