Íslensk stúlka heldur því fram að hún hafi séð raunveruleikastjörnuna Carlton Morton hér á Íslandi í gær. Carlton segist sjálfur ekki hafa undan að svara spurningum um það á Instagram en slær í og úr.
Carlton kemur fram í nýja og geysivinsæla stefnumótaþættinum Love Is Blind á Netflix. Þættirnir hafa verið vinsælasta sjónvarpsefni meðal Íslendinga á streymisveitunni undanfarnar vikur.
Í stuttu máli ganga þættirnir út á að einstaklingar fara á stefnumót, án þess að sjá hvern annan. Þeir tala í gegnum vegg og fá aðeins að sjá hvorn annan ef þeir trúlofast. Þættirnir eru félagsleg tilraun til að svara spurningunni, er ást blind?
https://www.instagram.com/p/B9HfQnKJnpD/
„Carlton er á Íslandi! Hann var á Lebowski með þremur vinum sínum og íslenskri stelpu og vitni segja að það hafi litið út eins og íslenska stelpan og Carlton væru par! Hann hefur ekkert póstað á Instagram að hann sé á Íslandi, hann segist vera í sóttkví, en þetta var 100000% hann. Þau voru að tala um Love Is Blind og fleira,“ segir stúlkan í færslu á Facebook-hópnum Beauty Tips.
Carlton hefur fengið fjölmargar spurningar um hvort hann sé staddur á klakanum. Raunveruleikastjarnan hefur hvorki játað né neitað því, heldur spyr fólk hvar það hefur séð hann.