Fyrir skömmu greindi DV fyrir ásökunum á hendur klámstjörnunni Stefan Octavian þess efnis að hann hefði ekki rétt við í netsölufyrirtæki sínu þar sem hann býður til sölu hágæða nærfatnað og snyrtivörur. Viðskiptavinir segjast ekki hafa fengið afhentar vörur sem þeir greiddu fyrir.
Stefan vakti mikli athygli er hann steig fram í fjölmiðlum og greindi frá leik sínum í hommaklámmyndum sem og störfum sínum við fylgdarþjónustu. Netverslun hans hefur hins vegar vakið harða gagnrýni. Ósáttir viðskiptavinir kvarta undan viðskiptaháttum Stefans og segjast ekki fá afhentar greiddar vörur. Netverslunin heitir SkyFall2020 og hefur meðal annars verið kynnt með þessum orðum:
„SkyFall2020 er glænýtt fyrirtæki sem selur eigin gæðafatnað og er einnig söluaðili fyrir t.d. Calvin Klein, Armani, Gucci, Tommy Hilfiger og fleiri aðila! SkyFall2020 var stofnað 2020 og starfa núna 5 starfsmenn sem sjá um vef, sendingu og pökkun þessara vara.“
Hætt er við því að rólegt verði yfir starfseminni á næstunni því ef farið er inn á vefinn Skyfall2020.com núna blasir við þessi tilkynning frá vefhönnuði síðunnar:
