Tónlistar- og knattspyrnumaðurinn Logi Tómasson, betur þekktur sem Luigi, er gestur vikunnar í Burning Questions hjá Agli Ploder. Luigi uppljóstrar ýmislegu og segir meðal annars frá því þegar hann kom nálægt því að vera handtekinn.
„Ég var með falsaðan tíu þúsund kall og fór með hann í sjoppuna og keypti mér bragðaref,“ segir hann og bætir við að hann hafi ekki falsað sjálfur peninginn heldur fengið hann hjá vini sínum.
„Ég prófaði bara. Ég ætlaði fyrst að djóka og láta [afgreiðslumanninn fá alvöru pening]. En hann tók hann bara og setti hann í og ég hugsaði fokk hvað var ég að gera. Labbaði út og var lengi að spá hvort ég ætti að fara til baka eða ekki. En svo fór ég ekki til baka. Og eigandinn hafði samband við mig og sagðist ætla að kæra mig til lögreglunnar ef ég myndi ekki koma til baka,“ segir hann.
Þú getur horft á þáttinn hér að neðan. Luigi segir meðal annars frá skrýtnustu lyginni sem hann hefur heyrt um sjálfan sig, en hann átti að hafa barnað stelpu sem hann hafði aldrei talað við.
https://www.instagram.com/p/B9mPY1YgDWt/