Ren er 26 ára og er frá Texas. Hún hefur vitað það síðan hún var barn að henni langar að vera söngkona. Hún ákvað að láta slag standa og taka þátt í American Idol. Hún deilir sögu sinni með áhorfendum.
„Ég var í mjög óheilbrigðu og eitruðu sambandi í átta og hálft ár. Ég var með einhverjum sem sagði að ég væri einskins virði og rusl,“ segir Ren.
„Ég byrjaði með honum þegar ég var 17 ára. Ég vissi ekki að þetta væri ofbeldi því ég vissi ekki betur. Þetta var komið á það stig að hann gekk of langt og ég loksins sagði ástvinum mínum frá þessu. Þau sýndu mér að ég ætti svo miklu betra skilið. Ég pakkaði því sem ég gat í tösku og fór. Ég flutti frá LA til Houston í Texas til að vera með fjölskyldu minni. Það eru mörg ár sem ég fæ ekki til baka með fjölskyldu minni. Öll símtölin frá mömmu sem ég svaraði ekki því hann var á staðnum, hann var ekki hrifinn af henni,“ segir hún og brotnar niður.
Eftir að Ren hefur sagt dómurunum sögu sína segir Katy Perry: „Gott að þú settir á þig gleraugun.“
„Það varst reyndar þú sem hjálpaðir mér að gera það,“ segir þá Ren.
„Ég var í Hollywood-partýi fyrir sjö árum síðan. Ég og fyrrverandi kærasti minn vorum að rífast heiftarlega og þú gekkst framhjá og sagðir: „Oj, hættu með honum stelpa.“ Og ég skammaðist mín svo mikið að ég þorði ekki að segja neinum frá því. Það tók mig sjö ár en ég fór að ráðum þínum,“ segir Ren og bætir við að hún er mjög hamingjusöm í dag.
Horfðu á áheyrnaprufu hennar hér að neðan.
https://www.youtube.com/watch?v=tn-BhwPBAc0
