Íslensk kona að nafni Elva varpaði fram áhugaverðri spurningu á Twitter í gær. Viðbrögðin leyndu sér ekki og kepptust netverjar um að velta vöngum og svara spurningunni.

„Af hverju þekkir maður alltaf Íslendinga í útlöndum? Hvað er það? Er þetta bara ég? Er þetta einhver leyndur hæfileiki sem ég er með eða tengiði? Hvað segja vísindin eiginlega um þetta? Erum við sem búum á þessum klaka með eitthvað klaka lúkk? Klaka göngulag, klaka attitjút?“

Af hverju þekkir maður alltaf Íslendinga í útlöndum? Hvað er það? Er þetta bara ég? Er þetta einhver leyndur hæfileiki sem ég er með eða tengiði?
Hvað segja vísindin eiginlega um þetta? Erum við sem búum á þessum klaka með eitthvað klaka lúkk? Klaka göngulag, klaka attitjút?

— Elva Ágústsdóttir (@ElvaAgusts) February 10, 2020

Elva virðist ekki vera ein fær um að spotta Íslendinga í útlöndum.

Nokkrir segja orsökina vera fatastíll Íslendinga.

Það sést að við drekkum Egils kristal

Ég hef svo oft spáð í þessu en við erum örugglega öll bara svipað klædd með svipaða takta og svo tölum við öll extra hátt og mikið í útlöndum

— Steinunn Vigdís (@Silladis) February 10, 2020

Hávært gasprið og fötin er eitthvað sem ég tek eftir. #vísindin

— Brynjar (@oskarsson) February 10, 2020

En Kolbrún nokkur er viss um að þetta hafi eitthvað meira en með aðeins klæðnaðinn að gera.

Það er samt eitthvað meira en klæðnaður og augabrúnir og stöff. Pæli svo oft í þessu, er farin að hallast að augnsvip og að við séum öll nógu skyld til að vera smá lík.

— kolbrún 🦥 (@kolbrunhelga) February 10, 2020

Ásdís deilir skemmtilegri sögu um íslenskan bónda í Berlín.

Ég horfði á gamlan mann á götu í Berlín á níunda áratug og hugsaði með mér: Svipurinn á honum, hann gæti verið íslenskur bóndi. Það var rétt, íslenskur bóndi.

— Ásdís Thoroddsen (@ThoroddsenAsdis) February 11, 2020

Íslendingar vilja kokkteilsósu

Best þegar starfsm. á Burger King á Strikinu lét 1 bréf af majó og annað af tómatsósu á bakkann áður en ég opnaði munninn. 😄
Flestir völdu annaðhvort 2 tómat eða 2 majó en við íslensku tókum sitthvort og hrærðum því saman með frönsku á bakkablaðinu til að búa til kokkteilsósu pic.twitter.com/KMZsogVkq7

— Sunnfríður (@SunnaSveins) February 10, 2020

Fegurðin kemur upp um okkur

Annars finnst mér í sannleika sagt Íslendingar, upp til hópa, rosalega myndarlegt fólk. Kannski er það bara það.

— Jóhann Ingi Ólafsson (@joe_in_DK) February 11, 2020

Eða er það stóru eyrun?

Stór eyru og eyrnasnepplar. Kringlulaga höfuðlög.

— Pink Street Boys (@pinkstreetboys) February 11, 2020

Áhugavert

Ætli þetta skýrist ekki að hluta til vegna sérkenna Íslendinga sem verða meira áberandi í annarri menningu mögulega vegna cross race effect. Svo spilar valkvæð athygli pottþétt inn og staðfestingaskekkja.

— Óttar Birgisson (@ottarb) February 11, 2020

Ætli H&M á Íslandi hafi breytt því?

Reglan var alltaf sú að þau sem voru með H&M pokana voru Íslendingar. Kannski breyst eftir að þau opnuðu hér.

— Hafliði Breiðfjörð (@haflidib) February 10, 2020

Fleiri hafa skrifað við færsluna og varpað fram sinni kenningu um málið.

Hvað segja lesendur? Tekurðu eftir Íslendingum í útlöndum? Ef svo er, af hverju heldurðu að það sé?