Myndband frá bæjarstjórnarfundi Reykjanesbæjar hefur slegið rækilega í gegn á Twitter. Grétar Þór deilir myndbandinu á Twitter og skrifar með: „Altaf sami hasarinn í bæjarstjórnarpólitíkinni í Reykjanesbæ.“
Í byrjun myndbandsins er þögn, en þá hefur Margrét Þórarinsdóttir, bæjarfulltrúi Reykjanesbæjar, nýlokið máli sínu.
„Takk fyrir þetta Margrét, orðið er laust,“ segir Guðbrandur Einarsson, forseti bæjarstjórnar.
Þá heyrist Margrét öskra: „Krakkar, ég þarf hleðslutækið mitt núna.“
Margrét hafði þá slökkt á myndavélinni en gleymt að slökkva á hljóðnemanum.
Horfðu á myndbandið hér að neðan.
Alltaf sami hasarinn í bæjarstjórnarpólitíkinni í Reykjanesbæ. pic.twitter.com/URvUzDSkEP
— Grétar Þór (@gretarsigurds) December 1, 2020
Slíkum tilvikum þar sem heimili og vinna renna saman hefur án efa fjölgað síðustu mánuði.
Þetta atvik minnir óneitanlega á frægt atvik sem átti sér stað í beinni útsendingu Breska ríkissjónvarpsins, BBC, árið 2017 þegar verið var að ræða við prófessorinn Robert Kelly um ástandið í Suður-Kóreu. Börnin hans æddu inn og trufluðu viðtalið á stórkostlegan hátt.