Söngkonan ástsæla Svala Björgvinsdóttir tilkynnti rétt í þessu að hún og sjómaðurinn Kristján Einar Sigurbjörnsson væru trúlofuð. Þetta kemur fram í færslu sem að birtist á Instagram-síðu Svölu.
„Ég sagði hiklaust já❤️💍 ég elska þig endalaust ástin mín.“ stendur við færslu Svölu þar sem að má sjá myndir af hringjum á höndum þeirra beggja, ásamt myndum af þeim. Færslan hefur á fáeinum mínútum fengið nokkur hundruð læk.
Greint var frá því í ágúst að Svala og Kristján Einar væru byrjuð saman, en þá vakti athygli 21 árs aldursmunur á þeim. Kristján er 22 ára og Svala er 43 ára. Það virðist þó ekkert ætla að toppa þau, enda hefur margoft verið sagt í málum sem þessum að aldur sé bara tala. Síðastliðin ágúst spurði DV hana út í aldursmunin og þá svaraði hún:
„Varðandi aldursmun þá finnst mér alltaf jafn fáránlegt að karlmenn mega deita eða vera með konum sem eru kannski 20-25 árum yngri og enginn segir neitt. Það er bara eðlilegt og engum finnst neitt af því. Svo þegar við konur erum að deita yngri menn þá hefur fólk svaka sterkar skoðanir á því og það þykir tabú. Alger hræsni segi ég bara, og mér finnst að fólk megi bara lifa sínu lífi og gera það sem gerir það hamingjusamt. Aldur er afstæður, ég á vini á öllum aldri og ég dæmi ekki fólk út frá aldri. Það er sálin þeirra sem segir allt um persónuna og ef hún er góð og falleg þá tengist ég þeim,“
View this post on Instagram