Raunveruleikastjarnan og snyrtivörumógullinn Kylie Jenner nýtur gífurlega vinsælda á samfélagsmiðlum. Hún er með 200 milljón fylgjendur á Instagram og hefur deilt yfir 6500 færslum á miðlinum.
Kylie, 23 ára, er þekkt fyrir að deila glæsilegum glamúr myndum af sér, en það hefur ekki alltaf verið raunin.
Fyrstu myndir Kylie á Instagram sýna allt aðra hlið af stjörnunni en við þekkjum. Það má samt ekki gleyma að á fyrstu myndunum er hún fjórtán ára og eðlilega breytist fólk yfir níu ára tímabil, sérstaklega þegar það er að þroskast og hvað þá í sviðsljósinu eins og Kylie gerði.
Netverja tókst að grafa upp myndirnar og deildi þeim á TikTok.
Á myndunum má sjá Kylie í hettupeysu með gleraugu, á annarri mynd má sjá hana sitja við borð og hún virðist vera að teikna eða læra.
Margir aðdáendur eru í sjokki yfir hversu mikið Kylie hefur breyst og sumir segja að þeim hefði aldrei dottið í hug að þetta væri hún, hún er nær óþekkjanleg.
„Hún lítur út eins og venjulegur unglingur,“ segir einn netverji um myndirnar.
„Vá, sú hefur breyst,“ segir annar.
@rosiestacey15Repost on my most popular video!!! ##celebs ##fyp ##foryoupage ##foryou ##greenscreen ##kyliejenner ##fypageシ ##fypシ