Samfélagsmiðlastjarnan Belle Delphine heldur því fram að YouTube hafi bannað hana á miðlinum fyrir að deila of klámfengnu efni.
Belle er cosplay fyrirsæta og er einnig með mjög vinsæla Only Fans-síðu.
Belle greindi frá málinu á Twitter á mánudaginn.
„Af hverju var YouTube-síðunni minni eytt, án þess að gefa mér viðvörun eða áminna mig, fyrir fyrir að deila „of klámfengnu efni“ en svo leyfið þið og auglýsið lög eins og „WAP“?“ Segir Belle og vísar í tónlistarmyndbandið við lagið „WAP“ með Cardi B. og Megan Thee Stallion.
Hún deildi síðan myndbandi þar sem annars vegar má sjá klippu úr hennar myndbandi og hins vegar klippu úr tónlistarmyndbandi Nicki Minaj við lagið „I‘m Back“.
hey @TeamYouTube why was my youtube account terminated with no warning/no strikes for ‘sexual content’ when you allow and promote songs like ‘W.A.P’?
seems a lil sus https://t.co/qzn7R7CzSi— Belle Delphine (@bunnydelphine) November 23, 2020
YouTube svaraði kvörtun Belle og sagðist ætla að „skoða málið“. Enn hefur Belle ekki fengið aðgang aftur að YouTube-rás sinni, þar sem hún var með um 1,79 milljón áskrifendur.
Belle tjáði sig frekar um málið í samtali við Kavos, aðra YouTube-stjörnu. Hún sagði að það hafi komið henni verulega á óvart að hafa verið bönnuð á miðlinum.
Á YouTube fá notendur svokölluð „strikes“ fyrir að brjóta gegn reglum miðilsins. Þegar notendur hafa brotið reglurnar þrisvar er þeim refsað. Belle segir að þegar henni var eytt út af YouTube hafi hún ekki verið búin að fá eitt einasta „strike“.
Hún segir að YouTube hafi ekki sagt hvaða myndband hafi heimilað þessi viðbrögð en hana grunar að það hafi verið nýjasta myndbandið, þar sem bannið kom aðeins nokkrum dögum seinna.
„Mér finnst allt í lagi að YouTube eyði því myndbandi, það var mjög „nsfw“ [Innsk: Not safe for work]. Ég ætlaði meira að segja að hætta að deila svona myndböndum á YouTube þannig það er svekkjandi, ég má ekki einu sinni búa til nýjan aðgang,“ segir hún.
View this post on Instagram
Netverjar skiptast á kenningum um ástæður þess að Belle hafi verið bönnuð en ekki „WAP“. Einn netverji segir að Belle hagi sér eins og ung stúlka í myndbandinu og sé þar af leiðandi að þjóna barnaníðingum, en í „WAP“ séu konurnar „allavega að láta eins og fullorðnar konur.“
Annar netverji segir að þetta hafi með það að gera að „WAP“ sé gefið út af risum í bransanum.
Svo benda sumir henni á að þetta hafi með byssurnar í bakgrunn að gera í hennar myndbandi. Þú getur skoðað umræðurnar með því að ýta á tístið hér að ofan.