fbpx
Fimmtudagur 26.nóvember 2020
Fókus

Ragga kynntist nokkrum af stærstu stjörnum veraldar – „Þeir dældu í mig fötum og alls konar dóti“

Jón Þór Stefánsson
Fimmtudaginn 12. nóvember 2020 19:10

Ekki missa af Helstu tíðindum dagsins í pósthólfið þitt

Lesa nánar

Ragnheiður Ragnarsdóttir er nýjasti gesturinn í podcasti Sölva Tryggvasonar. Ragga, eins og hún er kölluð, var ein öflugasta sundkona Íslands um árabil og fór meðal annars á tvenna ólympíuleika. Eftir sundið ákvað hún að snúa sér að leiklistinni. Hún landaði einu af aðalhlutverkunum í sjónvarpsseríunni Vikings sem hefur farið um allan heim. Hún segist hafa verið með augastað á þessari tilteknu seríu alveg síðan hún byrjaði í leiklistinni:

„Ég var ekkert feimin við að spyrja fólk bara hvort það þekkti einhvern sem væri að vinna við Vikings seríuna til að reyna að fá tenginu þar inn. Á endanum komu Sigurjón Sighvats og konan hans mér í samband við Ólaf Gunnarsson sem var að vinna við seríuna og eftir það gerðist þetta frekar hratt. Eftir 2-3 mánuði var allt klappað og klárt og ég var komin með hlutverkið. En ég hafði verið að vinna að þessu leynt og ljóst í nokkur ár þar á undan. Það voru alls konar hurðar sem ekki opnuðust og þetta var mikil vinna. En ég er vön því að hafa fyrir hlutunum úr sundinu, þannig að á endanum finnur maður bara leiðina sem þarf að finna.“

 Þátturinn hefur notið gífurlegra vinsælda og sem dæmi um það hefur Instagram reikningur Röggu rokið upp fyrir 250 þúsund fylgjendur. En hún segist þurfa að halda áfram að hafa fyrir hlutunum og nú vinnur hún meðal annars við að skúra í Ísaksskóla á milli þess sem hún fer í prufur fyrir ný hlutverk.

„Hálft bandaríska körfuboltalandsliðið fyrir utan og vildu hitta mig“

Ragga fór sem fyrr segir á tvenna ólympíuleika og í þættinum segir hún meðal annars sögu af því þegar hún hitti bandaríska körfuboltalandsliðið á Olympíuleikunum 2008, þar sem meðal annars voru stórstjörnurnar Kobe Bryant og Lebron James:

„Ég kynntist þeim mjög vel. Ég spottaði þá fyrst í matartjaldinu og hugsaði með mér að ég yrði að fá selfie með þeim. Sá fyrsti sem ég hitti úr bandaríska liðinu varð uppnuminn og sagði: „Hver ert þú? Má ég fá selfie með þér?“ “

„Svo fór ég aftur til baka í okkar hús og aðeins nokkrum mínútum seinna er mér sagt að það sé verið að spyrja eftir mér og þá stóð hálft bandaríska körfuboltalandsliðið þarna fyrir utan og vildu hitta mig. Allir aðalgæjarnir. Og mér fannst þetta mjög fyndið allt saman. Svo fórum við í nokkur partý með þeim eftir að allir voru búnir að keppa og þá fór ég á hæla sem eru 15 sentimetrar og ég er 188cm, þannig að þá var ég orðin meira en 2 metrar á hæð. Svo endaði þetta með því að ég var orðin voðalega góð vinkona þeirra og var með þeim í rútunni þeirra og þeir dældu í mig fötum og alls konar dóti. En þetta var auðvitað bara skemmtileg saga og hápunktarnir á ólympíuleikunum voru önnur atriði, eins og að keppa og svo líka bara opnunarhátíðin sjálf. Við Sigfús Sigurðsson línumaður vorum bæði nærri gráti nær þegar við löbbuðum um völlinn á opnunarhátíðinni. Svo var náttúrulega sturlað að vera á leikunum 2008 þegar Ísland vann silfrið í handboltanum.“

Í þættinum ræða Ragnheiður og Sölvi um ótrúlegan feril Röggu í sundinu og leiklistinni, mikilvægi þess að þora að elta ástríðurnar og margt margt fleira.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 2 dögum

Daði og Gagnamagnið á lista Time yfir tíu bestu lög 2020

Daði og Gagnamagnið á lista Time yfir tíu bestu lög 2020
Fókus
Fyrir 2 dögum

Sjáðu myndina: Svala Björgvins og Kristján fengu sér paratattú

Sjáðu myndina: Svala Björgvins og Kristján fengu sér paratattú
Fókus
Fyrir 4 dögum

Gæludýrin í Hvíta húsinu

Gæludýrin í Hvíta húsinu
Fókus
Fyrir 4 dögum

Fyrrum forseti borgarstjórnar selur fallega íbúð á Vesturgötu

Fyrrum forseti borgarstjórnar selur fallega íbúð á Vesturgötu