Áður en Melania Trump varð forsetafrú Bandaríkjanna var hún fyrirsæta. Hún sat fyrst fyrir aðeins sextán ára og þegar hún var átján ára komst hún á skrá hjá ítalskri umboðsskrifstofu og þá byrjaði boltinn að rúlla. Þegar myndir af Melaniu í gegnum árin eru skoðaðar er eitt ljóst, útlit hennar hefur breyst og þá ekki aðeins vegna aldurs. Margir telja Melaniu Trump hafa gengist undir nokkrar fegrunaraðgerðir, þó að hún neiti því staðfastlega.
„Ég er á móti bótoxi, ég er á móti fylliefni. Að mínu mati eyðileggur það andlitið og skemmir taugarnar. Þetta er allt ég. Ég ætla að eldast með reisn, eins og móðir mín gerði,“ sagði Melania í viðtali við GQ í apríl 2016.
Melania, eða Melanija Knavs eins og hún hét á þessum tíma, er nær óþekkjanleg á myndinni, enda aðeins sautján ára gömul. Augu hennar eru mun opnari en við erum vön að sjá í dag.
Spólum áfram til ársins 1999. Melania Trump er 29 ára og nýlega búin að kynnast Donald Trump. Hár hennar er ljósara og augabrúnirnar þynnri. Hún virðist ekki vera búin að gera neitt við andlitið á sér á þessum tímapunkti.
Árið 2004 var hún með fallega karamellubrúnt hár sem fór litarhætti hennar mjög vel. Á myndinni má sjá hana með mun léttari augnförðun en við erum vön að sjá hana með í dag.
Á þessum tíma var Melania byrjuð að fara í brúnkusprautun. Hér má sjá fallegar tennur hennar sem hún hefur fengið með aðstoð tannlæknis.
Um þetta leyti byrjaði Melania að píra augun fyrir myndir eins og eiginmaðurinn. Að sögn ljósmyndara er það góð leið til að koma í veg fyrir að líta skringilega út til augnanna á myndum. Þannig að það er hugsanlega málið en ekki einhvers konar fegrunaraðgerð.
Árið 2009 var Melania að nálgast fertugt. Varir hennar virðast fyllri, einnig kinnar hennar og undir augnsvæðinu. Það gerist ekki með aldrinum þannig margir hafa sett fram þá kenningu að hér hafi hún verið búin að gera eitthvað við andlitið á sér.
Það sem vekur mesta athygli á þessari mynd eru vel mótuð kinnbein hennar. Það virðist sem hún sé með fylliefni í kinnum til að „lyfta andlitinu“ og þess vegna eru augu hennar „kattarlegri“ en áður.
Það getur tekið fylliefni smá tíma þar til það „kemur sér“ almennilega fyrir. Myndin hér er frábært dæmi um það. Á myndinni frá árinu 2010 hefur hún líklegast verið nýbúin að láta sprauta í andlitið á sér, en hér hefur efnið „komið sér fyrir“ og er hún náttúrulegri.
Það virðist sem Melania hafi tekið sér pásu frá fegrunaraðgerðum í smá tíma. Það er náttúrulegri hreyfing á andliti hennar. Hún er hér 44 ára.
Hér virðist Melania vera aftur byrjuð að fikta aðeins með fegrunaraðgerðir. Það er engin sjáanleg hrukka á enni hennar og augnsvæðið orðið minna. Það er einnig spurning um hvort hún sé búin að láta fylla aðeins í efri vörina.
Þá erum við komin til dagsins í dag. Hún virðist hafa minnkað aðeins fylliefnið og fá augu hennar að njóta sín aðeins betur. Hún er með fallegar ljósbrúnar strípur og sumarlegar kinnar.