Julia Leonard deildi myndbandi á TikTok á dögunum þar sem hún varaði fólk við leðurbuxum úr Zöru. Hún sagði ástæðuna fyrir því vera hljóð sem buxurnar gefa frá sér. Hún sagði einnig frá því hvernig það komst í ljós.
@julialennaaaSave yourself because I couldn’t 😭 ##zara ##leatherpants ##Boo ##funny ##embarrased ##storytime♬ original sound – Julia
„Haltu áfram að horfa ef þú verslar í Zöru. Ég keypti þessar sætu leðurbuxur í Zöru, ég var í þeim þegar ég fór út að borða með fjölskyldu minni, sem betur fer var ég bara með fjölskyldunni. Á leiðinni út missti systir mín símann sinn og ég beygði mig niður til að sækja hann, og þetta gerðist,“ segir hún og beygir sig niður. Í kjölfarið heyrist hátt hljóð sem minnir óneitanlega á prump.
Hún endurtekur hreyfinguna aftur. „Þannig ef þú ætlar að kaupa þessar buxur, ekki beygja þig,“ segir hún.
Myndbandið hefur slegið rækilega í gegn og fengið yfir 3,7 milljón áhorf. Fjölmiðlar á borð við BuzzFeed og DailyMail hafa einnig fjallað um myndbandið. Horfðu á það hér að neðan.