„Sögur af ykkur síðustu ár sem þið tvítið ekki um en segið bara yfir fjórða bjór? Ég hef framkvæmt borgaralega handtöku. Ég hef veitt fyrstu hjálp eftir bílsprengju. Það hefur verið skotið á mig með skotvopni. Ég hef hlaupið uppi vasaþjóf. Hverjar eru ykkar?“ spyr Eiríkur og svörin eru jafn ólík og þau eru mörg en gríðarlega margir hafa svarað spurningunni.
Sögurnar sem fólk deilir eru margar hverjar mjög átakanlegar. „Mér hefur verið smyglað yfir landamæri í bílskotti. Ég horfði í augun á konu sem sat í aftursætinu á bíl sem við keyrðum framhjá hálftíma áður en hún var drepin af mannræningjum,“ segir kona nokkur.
Þá segir önnur frá því þegar hún varð næstum því fyrir hryðjuverkaárás. „Sú ákvörðun að ég hafi snúið við á götu í Nice varð til þess að hafa ekki orðið í versta falli, fyrir árás hryðjuverkamanns.“
Maður nokkur segir þá frá því þegar hann var úti að mynda fallegt sólarlag í Grafningi. „Hitti þar ítalskan strák á hjóli sem spurði hvort hann kæmist ekki Nesjavallaleið yfir til Reykjavíkur. Spjölluðum smá og kvöddumst síðar. Hann féll síðan af hjólinu á þessari leið fannst látinn á veginum um morguninn.“
Hér fyrir neðan má lesa fleiri sögur sem fólk hefur deilt í athugasemdum við tíst Eiríks.
„Hef leitað að földum fjársjóð í suðaustur Asíu. Hef ferðast um í skottinu á Lödu, með tvo hunda, í eyðimörk.
„Ég hef fætt barn alein heima hjá mér. Óvart. 19 ára. Allt fór vel. Hef ekki kippt mér upp við margt síðan.“
„Lenti í skothríð við lendingu inn í Freetown í Sierra Leoni eftir að vopnahléi var skyndilega og óvænt rofið. Vorum að fljúga með blaðamenn og vistir. Frekar óþægilegt.“
„Var virtur sem heilagur maður af þorpsbúum nálægt andlegu náttúrulækningahæli í fjöllum Suður-Indlands fyrir 20 árum. Alveg óverðskuldað. Lúkkaði bara eins og Gandhi (hálfnakinn í hvítu tógadressi, tanaður og sköllóttur) og var með heimskan en helgan hund sem óumbeðið fylgdardýr.“
„Ég hef snúið niður þekktan ofbeldismann sem var að berja höfuðið á manni í götuna Ég hef tekið niður manneskju sem hafði hengt sig Ég hef hoppað í haughús til að ná upp kálfi Ég var í 6 klst að bjarga fólki sem óð af stað í ófærð og stormi með börn til að sjá Heklugos.“
„Ég hef stungið mér, fullur, beint í botninn á grunnu lauginni. Staðið andspænis paranoid manni sem hélt á sveðju og var með Rottweiler sér við hlið. Ég hélt á hálffullu 40 lítra fiskabúri. Drukkið 1/2 Tequila flösku í 1 sopa eftir að hafa klárað hinn 1/2 í nokkrum skotum.“
„Interpol leitaði að mér eftir að ég missti af tengiflugi í Kingston og hvarf af radar Rænd á spítala í Costa rica, handsömuð af amerískum trúboðum og snúið til baka Flúði á richshaw undan hryðjuverkamönnum inni í Banani kofahverfinu í Dakkah.“
„Endaði einhvern veginn í miðjum Tottenham riots 2011 og þurfti að fá far með löggunni á hótelið mitt Var lokuð inni í glerbúri með byssu í bakinu á flugvelli í Póllandi, neituðu að trúa íslenska vegabréfinu mínu.“
„Sneri á ræningja sem eltu okkur af spilavíti í Macau. Sló aggressívan kínverskan götusala utanundir (hann hrinti mér fyrst, fight or flight). Hélt í höndina á og skýldi grátandi unglingsstúlku í margar klukkustundir, hvers fjölskylda ætlaði að lúskra á eftir að hún svaf hjá.“
„Ég hef bjargað pabba mínum frá drukknun í sjósundi Einu sinni opnaðist hurðin á Cesnunni sem ég var að fljúga í flugtaki, ég flaug með aðra hönd á stýrinu og hélt hurðinni með hinni. Þá var pabbi mjög hræddur. Ég hef farið í fallhlífarstökk yfir Reykjavík og lent á flugvellinum. Fallhlífarstökkið var úr gamalli austur evrópskri herflugvél.“
„Átti þátt í andláti ættmóður indverskrar fjölskyldu sem á demantanámur í Afríku (ekkert saknæmt) Hef komið við bringuna á Margréti Danadrottningu (aftur, ekkert saknæmt) Var einn af síðustu einstaklingunum sem talaði við Katie Holmes og Tom Cruise áður en þau skildu.“
„Lögð inn á spítala í Tyrklandi 19 ára, vildu ekki útskrifa mig nema ég færi í röntgen. Eftir fyrstu myndina bentu þau á tvo bletti. Ég sá að það væru geirvörtulokkarnir mínir, reyndi að útskýra en enginn túlkur þannig ég endaði á að flassa herbergið (ca.8 manns)“
„Samþykkti 15 ára að vera beita fyrir vini mína sem ákváðu að catfisha barnaníðing á einkamál.is. Ég opnaði bílhurðina hjá manninum og öskraði svo á hann að fokka sér áður en ég hljóp í burtu meðan strákarnir köstuðu skyri og eggjum í bílinn hans.“