Örvæntingarfullur karlmaður leitar ráða til Dear Deidre, kynlífs- og sambandsráðgjafa The Sun. Hann gekk inn á eiginkonu sína halda framhjá sér. En það var ekki mesti skellurinn, heldur með hverjum hún var að halda framhjá; bróður hennar.
„Hún er ættleidd þannig þau eru ekki blóðskyld, en ég fékk áfall. Líf mitt hefur umturnast en þetta virðist ekki trufla fjölskyldu hennar. Ég er 36 ára og eiginkona mín er 34 ára. Við höfum verið gift í sex ár. Foreldrar eiginkonu minnar ættleiddu hana og áttu fyrir son sem er tíu árum eldri en hún,“ segir maðurinn.
„Konan mín sagði að þau hafa verið að sofa saman síðan hún var unglingur. Ég á svo erfitt með að tala við hana um þetta. Ég flutti út en fjölskylda mín neitar að tala við mig, þau skammast sín svo fyrir mig. Ég vil ekki segja vinum mínum frá þessu því ég veit að þeir myndu stríða mér.“
Deidre gefur manninum ráð.
„Hversu ung var konan þín þegar bróðir hennar, sem er tíu árum eldri, byrjaði að stunda kynlíf með henni? Fjölskylda konunnar þinnar virðist hafa engin mörk og það hljómar eins og bróðir hennar hafi misnotað hana. Það er mjög eðlilegt að þú sért í uppnámi,“ segir Deidre og bendir manninum á hvar hann getur leitað sér hjálpar.
„Þá verður þú kannski tilbúinn að ræða við eiginkonu þína.“
