Heimurinn er stórfurðulegur og kemur okkur á óvart á hverjum einasta degi. Hér eru nokkrar þræláhugaverðar staðreyndir um umheiminn, sem vefmiðillinn Bored Panda tók saman, og munu líklega valda lesendum heilmiklum heilabrotum.
Tími og rými
Ef tímaferðalög væru möguleg þá væri nauðsynlegt að ferðast í sérstakri tíma-rýmis-vél til þess að lifa ferðalagið af. Svo vill til að Jörðin snýst um sólina og sólkerfið okkar er á stöðugri hreyfinu. Ef maður ferðaðist fram eða aftur í tíma þá myndi maður lenda á sama stað rýmislega séð, en ekki á sama tíma, sem ylli því að maður endaði ólíklega ferðalagið á Jörðu niðri. Líklega myndi maður birtast í tómarými geimsins. Því væri gott að hafa vaðið fyrir neðan sig og ferðast í geimskipi sem gæti farið með mann aftur á fast land.
Höfundur og lesandi
Þegar mann dreymir er einn hluti heilans að búa til „söguna“ á meðan annar hluti heilans upplifir atburðina í sögunni eins og í fyrsta sinn og er einlæglega hissa á því sem er að gerast.
Eitt sinn stökk kona af 86. hæð Epire States byggingarinnar í New York, en vindurinn feykti henni þannig að hún lenti á syllu á 85. hæð og lifði fallið af.
Heimskautarefurinn getur lifað af frost sem er allt að mínus sjötíu gráður á Celsíus.
Gamlingjar
Árið 2006 létust tvær aldnar skjaldbökur. Harriet, sem var þá 176 ára, var fyrri til það ár og var það enginn annar en Charles Darwin sem sótti hana á Galapagos eyjar á HMS Beagle. Síðar var Harriet í eigu Steve Irwin, betur þekktur sem The Crocodile Hunter, þegar hann lést sjálfur. Charles Darwin og krókódílahvíslarinn Steve Irwin deildu því „gæludýri“. Seinni öldungurinn til að láta líf sitt árið 2006 hét Adwaita og klaktist úr eggi áður en Bandaríkin lýstu yfir sjálfstæði undan Englandi.
Marteinn Lúther King Jr. og Anne Frank voru fædd sama ár, 1929. Á fæðingarári þeirra fagnaði grínistinn Betty White sjö ára afmæli sínu.
Sumt fólk hefur ekki innra samtal við sjálft sig. Það er einfaldlega ekki með innri rödd!
Risabaktería
Stærsta þekkta baktería, Thiomargarita namibiensis, getur verið allt að 0,7 mm í þvermál, sem er nógu stórt til þess að sjá með berum augum án þess að nota smásjá. Í samanburði er meðalstærð baktería ekki nema um 0,001 mm í þvermál.
Jarðaber eru ekki ber samkvæmt líffræðilegum skilgreiningum, en bananar eru hins vegar flokkaðir með berjum.
Alþjóðlega geimstöðin er nær Jörðinni heldur en vegalengdin á milli San Francisco til Los Angeles.
