Jón Axel, einn þáttastjórnandi morgunþáttarins Ísland vaknar á K100, hefur það eftir hollenskum vini sínum sem vinnur hjá Evrópusambandinu í Brussel að Eurovision verði aflýst.

Mbl greinir frá. Jón Axel las upp bréf frá vini sínum í þættinum í morgun og sagði:

„Í dag verður það tilkynnt opinberlega að Eurovision söngvakeppninni verði aflýst í ár.“

Þáttastjórnendur reyndu að fá Felix Bergsson til að staðfesta fregnirnar, sem hann gat ekki gert. Hins vegar gat hann staðfest að fulltrúar Daða væru á leið á fund með stjórnendum söngvakeppninnar.

Felix sagði jafnframt að það væri mjög sorglegt ef Eurovision yrði aflýst.

Eins og er hefur ekkert enn komið fram hvort keppninni verður aflýst.