Fegurðardrottningin Guðrún Sigurbjörnsdóttir þurfti að flýja Mexíkó í gærkvöldi eftir viðburðaríka keppni. Vísir greinir fyrst frá. Guðrún var fulltrúi Íslands í fegurðarsamkeppninni Miss Global í Mexíkó um helgina.
Guðrún greinir frá því í Instagram-stories að keppninni hafi verið aflýst og keppendum hafi verið ráðlagt að fara flýja land.
Hún segist ætla að svara öllum spurningum um leið og hún kemur heim frá Mexíkó.
„Við vorum beðnar um að tjá okkur ekki um neitt fyrr en við værum komnar í skjól. Frekar dramatískur endir því miður,“ segir Guðrún.
Hún birtir síðan skilaboðin sem hún og aðrir keppendur fengu í gærmorgun. Þar er stúlkunum ráðlagt að fara af hótelinu og beint upp á flugvöll, því það er ekki lengur „öruggt“ að vera á hótelinu.
Ástæðan fyrir því að keppninni var aflýst er meint spilling á lokakvöldinu. Eftir að það var búið að tilkynna um hvaða tíu keppendur kæmust áfram í úrslit var skyndilega tilkynnt um að auka keppanda hafi verið bætt við. Stuttu seinna var tilkynnt að sjö öðrum keppendum hafi verið bætt við úrslit og það væru alls 18 konur sem kæmust áfram í úrslit.
Í myndbandinu hér að neðan má sjá útskýringu á atburðum kvöldsins.
