Einkaþjálfarinn og fyrrverandi fitness-drottningin Margrét Gnarr eignaðist dreng í gær. Á myndum sem Margrét birti á Instagram má sjá myndir af stráknum en kærasti Margrétar og faðir drengsins, Ingimar Elíasson, stóð þétt við hlið Margrétar.
Margrét greindi frá óléttunni í júní í fyrra en það gerði hún eftir að hafa farið í tólf vikna sónar. „Þetta var ekki planað en þetta er alveg frábær óvænt ánægja. Hlakka til að hitta litla engilinn okkar í janúar árið 2020,“ sagði hún þá. Þetta er fyrsta barn Margrétar en annað barn Ingimars.
Af myndunum að dæma virðist allt hafa gengið vel og eru foreldrarnir augljóslega að rifna úr stolti. Fókus óskar Margréti og Ingimar innilega til hamingju.