Líkt og DV greindi frá í morgun þá mynduðust umræður á samfélagsmiðlum er vörðuðu uppruna lags tónlistarmannsins Auðar, Engin eins og þú. Umrætt lag var gefið út í júlí 2019 og naut gífurlegra vinsælda hér á landi. Smáskífan On My Mind eftir hljómsveitina Leisure var gefin út í apríl á sama ári en lögin þykja ansi svipuð.
Pródúser og meðhöfundur Enginn eins og þú, Arnar Ingi Ingason, einnig þekktur sem Young Nazareth deildi í kjölfar myndbroti sem á að sanna að demóið hafi verið komið löngu áður en On My Mind kom út. Hann segir líkindin vera hreina tilviljun.
„Sorry að ég sé að eyðileggja þetta partí en ég og Auðunn sömdum lagið í febrúar á síðasta ári. Þetta er bara pjúra tilviljun.“
Auður hefur ekki tjáð sig um málið að svo stöddu.
Sorry að ég sé að eyðileggja þetta partí en ég og Auðunn sömdum lagið í febrúar á síðasta ári. Þetta er bara pjúra tilviljun 🤷🏻♂️ pic.twitter.com/YMb9Ju43sK
— Arnar (@youngnazareth) January 13, 2020