Þýsku tæknótröllin í Scooter eru á leiðinni til landsins í þriðja sinn og að þessu sinni ætla þeir að halda risatónleika í Laugardalshöllinni þann 26. október næstkomandi í samstarfi við FM957 og Krombacker.
Scooter kom til Íslands í fyrsta skipti í apríl árið 2004 og héldu einnig tónleika í Laugardalshöll fyrir stútfullum sal. Meðlimir sveitarinnar lofa enn kröftugri tónleikum í þetta skiptið og þeir segjast vera spenntir að koma aftur og skemmta Íslendingum.
FM957 mun vinna náið með Scooter til að gera þessu veislu eftirminnilega á allan hátt, hljóð, ljós og annar búnaður verða í sérflokki ásamt sprengjum, leysigeislum og miklum hamagang.
Scooter verður með gesti með sér sem eru ekki að verri endanum Rikki G mun koma mannskapnum í góðan gír, Club dub munu hita upp ásamt því að Dj Muscleboy og félagar munu keyra partýið upp áður en Scooter mætir á svæðið og rífur þakið af Laugardalshöllinni.
Það má gera ráð fyrir því að tónleikarnir verði gífurlega flottir enda eru tónleikar Scooter mikið fyrir augað og má búast við því að sjá sprengingar, ljósadýrð og dansara á sviðinu.
Scooter býr yfir miklu magni af vinsælum lögum en það vinsælasta er án efa The Logical Song en það lag er með yfir 44 milljónir spilana á Spotify.