Reykjavíkurdæturnar Steiney Skúladóttir og Þura Stína skjóta báðar fast á Önnu Svövu Knútsdóttir á Twitter. Svo virðist sem Anna Svava hafi gert grín að hljómsveitinni í upphitun hennar fyrir nýtt uppistand Björns Braga Arnarssonar. Hann var líkt og flestir vita gripinn glóðvolgur við að káfa á unglingsstúlku á Subway.

Steiney gefur í skyn að Anna Svava hafi einfaldlega endurrómað það sem Emmsjé Gauti sagði árið 2015. „Anna Svava komin í eitthvað grínþrot, hitar upp fyrir Björn Braga og stelur einum góðum MC Gauta brandara 4 árum seinna,“ skrifar Steiney.

Hún bætir svo við það: „Það er verið að bóka okkur á festivöl um allan heim, spila okkur á útvarpsstöðvum eins og BBC og við vorum að vinna verðlaunin besta up and coming hip hop band í Evrópu. Það er pjúra bara Ísland sem vill ekki sjá okkur. Þetta er svo ljótt kynjamisrétti að ég á ekki orð.“

Þura Stína tekur undir með Steiney á Twitter og af orðum hennar að dæma þá virðist Anna Svava hafa sagt að það væru engir góðir kvenrapparar hér á landi. „Að segja að það séu engir góðir kvenrapparar á Ísland í dag er svo ljótt og ömurlegt djók, við erum að spila útum allan heim fyrir mörgþúsund manns og vinna alþjóðleg tónlistarverðlaun og Ísland er ennþá bara: Þið sökkið. Allar,“ skrifar Þura Stína.

Hún segir svo: „Fyrir utan Önnu Svövu að gera grín af öllum íslenskum stelpum sem rappa á Íslandi fyrir fullum sal að þá eru Rvkdtr búnar að fá eitt bókunar-request frá hátíðum á Íslandi síðasta árið.“

Það er verið að bóka okkur á festivöl um allan heim, spila okkur á útvarpsstöðvum eins og BBC og við vorum að vinna verðlaunin besta up and coming hip hop band í Evrópu. Það er pjúra bara Ísland sem vill ekki sjá okkur. Þetta er svo ljótt kynjamisrétti að ég á ekki orð

— Steiney Skúladóttir (@steiney_skula) September 17, 2019

Fyrir utan Önnu Svövu að gera grín af öllum íslenskum stelpum sem rappa á Íslandi fyrir fullum sal að þá eru Rvkdtr búnar að fá eitt bókunar-request frá hátíðum á Íslandi síðasta árið.

— Sura Þína (@ThuraStina) September 18, 2019