Á mynd sem DV hefur undir höndum má sjá Bjarna Benediktsson, fjármálaráðherra og formann Sjálfstæðisflokksins, í sjómann við óþekktan mann. Ekki nóg með það þá er bæði Bjarni og andstæðingur hans berir að ofan.

Í bakgrunni má svo sjá Elliða Vignisson, bæjarstjóra Ölfuss, hvetja menn áfram, nokkuð æstur að sjá. Við hliðina á honum virðist svo glitta í eiginkonu Bjarna, Þóru Margréti Baldvinsdóttur. Samkvæmt heimildum DV var myndin tekin á Þjóðhátíð í Vestmannaeyjum í sumar. DV er ekki kunnugt um hver hafði betur, Bjarni eða hinn óþekkti maður.