Hrafnhildur Rafnsdóttir heldur úti vinsælli YouTube-rás með yfir 150 þúsund fylgjendur. DV tók viðtal við Hrafnhildi í júlí þar sem hún fór yfir YouTube ferillinn.
Hrafnhildur notar nafnið Hrafna á YouTube og gerir myndbönd um Ísland og íslensku.
Í nýjasta myndbandi sínu fer hún yfir hvað sé það versta við að búa á Íslandi. Hún hefur gert svona myndband áður og er þetta annar hluti.
Hrafna tekur það fram í byrjun að þó svo að hún sé að útlista hluti sem eru leiðinlegir við Ísland, þá gjörsamlega elskar hún að búa á Íslandi. Myndbandið er einungis gert til skemmtunar.
„Ég fékk svo mörg komment út á að ég væri „óþakklát tík“ að kvarta yfir því að búa á Íslandi [í síðasta myndbandi],“ segir Hrafna. „Þetta er bara til skemmtunar og ég vill bara fræða.“
Meðal þess sem Hrafna nefnir er veðrið, hvað það eru margir túristar að skoða landið og illa launað starfsfólk í heilbrigðiskerfinu.
Horfðu á myndbandið hér að neðan.
Fyrra myndbandið má horfa á hér að neðan.
