Leikkonan María Birta Bjarnadóttir er um þessar mundir í Skotlandi og kemur fram í fullorðins gaman sirkus sýningunni Atomic Saloon Show. Eftir tæpa viku mun sýningin færast til Las Vegas og María Birta með.
Enginn annar en leikarinn Neil Patrick Harris var einn af áhorfendum sýningarinnar í gærkvöldi.
María Birta deilir mynd af sér ásamt hópnum og Neil Patrick Harris á Facebook.
„Ég dansaði við (eiginlega á haha) Neil Patrick Harris í gær. Aldrei leiðinlegur dagur í vinnunni,“ skrifar hún með myndinni.
Í samtali við DV segir hún að leikstjóri sýningarinnar, Cal McCrystal, hafi tekið eftir Neil Patrick í röðinni fyrir utan sýninguna.
„Það eru nokkur atriði í sýningunni þar sem við förum út í sal og leikum okkur aðeins með áhorfendum. Hann varð fyrir valinu í þetta skiptið,“ segir María Birta.