Fjölmiðlamaðurinn Auðunn Blöndal segir að Hjörvar Hafliðason verði sárt saknað, en Hjörvar var einn þeirra þrettán sem var sagt upp hjá fjölmiðlafyrirtækinu Sýn í dag.
Auðunn birti í kjölfarið færslu á Twitter-síðu sinni þar sem hann sagði að Hjörvar væri einn fyndnasti útvarpsmaður landsins auk þess sem hann fullyrti að hans yrði saknað.
Hjörvar og Auðunn unnu að einhverju leiti saman við gerð útvarpsþáttanna FM95BLÖ sem eru í umsjón Auðuns á útvarpsstöðinni FM957.
Á sínum degi er @hjorvarhaflida líklegast fyndnasti útvarpsmaður landsins. Þín verður saknað vinur!
— Auðunn Blöndal (@Auddib) August 15, 2019
Hjörvar tjáði sig um brottreksturinn við DV fyrr í dag, þar sagði hann meðal annars að nú myndi hann einbeita sér að hlaðvarpi sínu Dr. Football.