Tinder laugin er nýr stefnumótaþáttur á Íslandi sem er sýndur á samfélagsmiðlunum Instagram og Facebook. Það eru komnir þrír þættir af Tinder lauginni og bættist sá nýjasti við síðastliðinn föstudag. Þú getur horft á þættina á Instagram-síðu Tinder laugarinnar.
Fyrsti þátturinn vakti vægast sagt hörð viðbrögð og er með samtals 42 þúsund áhorf þegar greinin er skrifuð.
Sjá einnig: Guðjón og Brynjar rífa í sig Tinder laugina: „Þetta er ógeðslegt, ég get ekki horft á þetta“
Það sem hefur vakið mesta athygli eru spurningar spyrlanna. Meðal þeirra eru „ertu liggjandi þiggjandi eða gefandi slefandi,“ og spurning spyrilsins í þætti tvö: „kyngirðu,“ með vísan í sæði.
Íslenskir netverjar hafa nóg um þættina að segja á Twitter og tókum við saman nokkur tíst um Tinder laugina.
Ég er búinn að byrja 5 sinnum á þessari klippu en þarf alltaf að slökkva strax. Getur einhver sent mér ritskoðað summary af því sem gerist í pósti? https://t.co/3HqFOiD2sk
— Hrafn Jónsson (@hrafnjonsson) December 22, 2019
Gaurinn spyr stelpurnar hvort þær kyngi og hver sé draumatyppastærðin og þær augljóslega hugsa um að fróa sér á safafernu frekar en að vera með honum. En honum tekst samt að láta eins og hann sé the hottest thing since sliced bread. Svo fær kynnirinn einhverskonar taugaáfall.
— Halldór Halldórsson (@DNADORI) December 22, 2019
Samantekt: Gaur sem hefur verið í dái síðan 2003 reynir við stelpur.
— Ingólfur Valsson (@ingovals) December 22, 2019
Ég get ekki ákveðið hvort ég vilji horfa á þetta allan daginn alltaf eða aldrei sjá þetta aftur á ævinni.
— Svaný Sif (@Svany) December 22, 2019
Spoiler alert: Þratt fyrir allt þá „vann“ keppandi nr.3 sem var sú eina sem gaf þessum kjánahrolls spurningum fingurinn. Þegar Djupa laugin var og hét þá hefði spyrillinn fengið spaðann og „þægasta“ konan unnið..
— Elin Yr Arnar H (@ElinYr_Arnar) December 23, 2019
*Tinderlaugin*
Gaurinn: Jæja, númer eitt, kyngiru?
Nr1: Kyngi ég?! Bíddu ertu að tala um sæði eða?
Gaurinn: Nei, ég er að tala inngróna spillingu, hugsjónaleysi, andúð á útlendingum; kerfi sem þrífst á misskiptingu. Kyngirðu eða ætlarðu að verða hluti af byltingunni?— Dagur Hjartarson (@DagurHjartarson) December 23, 2019
Já veriði velkomin í Tinderlaugina! Spyrjandi kvöldsins er afskaplega vandaður, enginn annar en Jón Valur Jensson!
Fyrsta spurning! Við förum saman í hjólatúr á hjólinu mínu og ég reiði þig á bögglaberanum, hvernig lykt verður af bögglaberanum eftir hjólatúrinn?— Guðrún Andrea (@grullubangsi) December 22, 2019
tinder laugin ætti að heita Þorsti
— Olé! (@olitje) December 18, 2019
var að klára fyrsta þáttin af tinder lauginni.
ef einhver er í miðbænum með 7200 mg af höfuðverkjatöflum má hafa samband í pm borga vel
— Starkaður Pétursson™ (@starkadurpet) December 20, 2019
ég ætla að gera nýjan þátt sem er alveg eins og tinderlaugin nema allir eru aðeins meira fullir og aðeins meira horny
— Tómas (@tommisteindors) December 18, 2019
Tinderlaugin nema bara fyrir einræðisherra
— Siffi (@SiffiG) December 22, 2019
